吕爵安首度开腔谈“婆媳关系”　赞小如猪强心脏冇介意演出后争议

Edan吕爵安今午出席时装品牌活动，完成个人演唱会后，一直称“耍废”的他，表示大部分时间留在家中与妹妹煲剧，问到既然小如猪已上台表演，可有想过兄妹档演出，Edan表示：“以前公司有问过要唔要拍旅游节目，然后193嚟紧同肥仔有节目要拍，问我畀唔畀阿妹做女主持，我梗系唔畀啦。阿妹如果要拍，梗系同我啦。”

提到阿正爆料指小如猪单拖睇骚，全因揾不到朋友陪，Edan即指是小如猪问题，又指阿正同小如猪啱嘴型，而对于阿正想撮合中医细佬与小如猪，Edan表示：“食下饭啰，4个一齐食，相士话佢2028年后先有姻缘。我都有八卦吓佢嘅状态，佢都系睇有冇feel。”

对于小如猪演出后的评论，Edan表示妹妹当初拒绝上台，其中一个原因就是怕引起不少声音，故演出前亦做好心理准备。“佢心脏比我想像中强大，完全无介意呢啲嘢。我就有符咪贴下啰，我都唔系好在意，可能到呢个阶段对外界声音已经无咩感觉。”

而个唱尾场，爵妈与林明祯被拍到排排坐睇骚，被指婆媳关系良好，Edan表示：“系，妈妈坐佢隔篱，因为演唱会都系好大嘅事情，人生好开心嘅事，想佢可以见证到，所以有邀请佢嚟，其他就唔回应，多谢大家关心。”问到林明祯包到实都被网民闹，Edan就表示，“冇谂咁多，纯粹想分享呢件事情。”至于是否爵妈与明祯第一次见面，他重申：“私人嘢唔回应太多。”至于明祯对演唱会的评价，他微笑回应：“跟大家评价差唔多，好睇。”