七仙羽是非缠身反令收入大增　强调无官司在身自爆与老公无性生活

七仙羽七师傅近月是非缠身，先是遭YouTuber“伍仔”连环追击、继而与徒弟郭奕芯缺裂。七师傅今午（3日）出席时装展时，指有是非属于正常，但强调无官司在身，又自爆与老公无性生活。

七师傅以“离谱”形容早前的是是非非，又相信会有因果。“对著干系因为背后有人指示，呢啲好明显，如果唔系点会日日闹，闹足几个月，系好唔正常。系因为之前做访问得罪咗啲人，所以要教训我。”讲到“伍仔”在频道节目中公开疑似七师傅的录音，七师傅指是AI生成。

而被郭奕芯公开指责呃钱，七师傅强调与郭奕芯师徒一场，十分有缘份。“无论有啲咩误会，我都希望可以化解，有缘一齐拍节目、有缘做朋友系好难得，我好珍惜。将来大家见到，我都会揽吓佢，我亦都好乐意同佢继续合作。𠮶30万讲过好多次唔系俾我嘅，当时亦都唔系我安排艺人系边间房化妆，当日我都要表演，好忙。（有无WhatsApp同佢讲返件事？）佢唔覆我，可能佢唔知我系咩企图，但将来见到我都会揽住佢，同请佢食饭。”对于被传因诈骗被捕，七师傅强调只有骗取老公的心、但由于两公婆都很忙，所以已很久未有性生活。

问到是非缠身可有影响工作，七师傅表示：“影响咗，更多、更忙、啲客更多、吸引更多大客。”