林芊妤转发小朋友叹上学心声累疯：咁嘅机械式生活连家长都觉得攰

林芊妤（Coffee）日前（31日）于社交平台发文表示自己令儿子翟德彦（彦彦）开学日没有功课交，林芊妤指因为自己“大头虾”，在暑假大扫除时，把彦彦的暑期作业连同小一书本一起掉弃了，令彦彦很担心又伤心。林芊妤亦深感内疚自嘲自己是“猪队友妈妈”，连累了彦彦，但她都选择了向彦彦“自首”及道歉，其后又写信及打电话予老师解释及道歉，最后亦获得老师的谅解。

昨日（3日）林芊妤在社交平台转发了一段影片，当中有一位小朋友向立法会的议员表达心声：“我每一朝都唔够瞓，日日都好攰，都瞓唔够10个钟，好多嘢做，真系好多。上堂好多练习要做，系咁写，又好多𠮶啲工作纸。”不停地表示学生到底有多辛苦，而林芊妤亦抒发了她的感受，她认为只是刚刚开学就已经觉得累：“好多家长都好想小朋友，放完暑假快啲返学，咁自己就有d自由时间。但我反而好享受见到彦彦enjoy暑假生活既时候，佢钟意几点醒钟意几点食钟意几点冲凉钟意几点瞓，我都唔需要叫佢或者催佢。我哋嘅关系同样地都更加好同更加close，但我真系好怕彦彦开学只系开始咗三日我已经觉得好攰，每朝头早6:30叫佢快啲起身，放学返嚟叫佢快啲做功课、再叫佢快啲执书包、再叫佢快啲玩完收玩具、再叫佢快啲食晒啲饭、再叫佢快啲冲凉刷牙、再叫佢快啲睇完故事书、再叫佢快啲瞓觉。每日都好似一个永无完结嘅轮回咁，讲真我唔会逼佢日日温书或者要成绩好好，但我都仲系觉得咁嘅机械式生活连家长都觉得攰，小朋友又点可以有快乐嘅童年？”

林芊妤最后表示要多点听小朋友的心声，亦不忘鼓励自己：“讲真我都想个仔读书轻松啲，不过老公话想佢小学可以学好中文打好个底。咁我哋两个唯有继续顶硬上啦！仲有五年，阿仔我哋加油完成埋佢，而家已经期待紧圣诞假期。”