张家朗赞蔡俊彦唱功劲　自爆唔兴玩情侣装：以舒服为主

剑神张家朗今晚（04/09）与泰星Apo Nattawin、Mile Phakphum现身中环出席时装品牌活动，张家朗表示曾在活动与对方见面，大赞二人靓仔，惜一直未有机会与时间欣赏二人作品。

提到蔡俊彦（Ryan）早前在吕爵安演唱会上开金口唱歌，张家朗表示：“我有听过佢唱歌，我知佢都好钟意唱歌，都唱得好好，自己应该唔系唱歌好听嘅人。觉得佢犀利，因为喺咁大个舞台唱歌，对我嚟讲系几难嘅事。”张家朗又谓如果有机会，都想发掘唱歌成新兴趣，平时亦会听广东歌。

张家朗表示平时较少行街置装，多数穿运动服。“置装费好少，可能装备费用仲多。（会唔会用情侣装？）都少，唔会刻意咁，自己钟意同舒服为主。”