男团Hey Brother预告内地开骚 麦包446万沽物业睇淡楼市:老婆决定

男子组合“Hey Brother”成员麦长青、黄智贤、唐文龙和李思捷今日（5/9）现身湾仔会展出席“万希泉关羽陀飞轮腕表发布会”。

“Hey Brother”成员李思捷接受《香港01》访问时透露，他们将开始为第三首新歌拍摄全新MV：“我哋成团都成8个月，而家出到第3首歌，你话犀唔犀利。”提到组台在内地火速爆红，工作量不断。黄贤智表示：“内地工作系有，同埋我哋将会有我哋嘅演唱会，系就嚟会发生，但日子系几时暂时就唔讲得，我只能够讲我哋已经拣紧歌嘅阶段。（有冇艺人开口搭路北上揾银？）哈哈，其实我哋系要女仔，因为我哋5个男人好Dry，有把女声加入我哋就非常之欢迎，而我哋早近就物色紧。”

唐文龙接著说：“其实早两至3个月前，我哋喺内地举行中一个见面会，现场系有3百几人嘅粉丝朋友。”麦包又指当天撞正打风日子，人数应该不只3百多人：“因为突然打风嘅关系，我哋系即时转场，到一个只容纳2百多人嘅场地，其实我哋都有叫啲粉丝唔好嚟，连公安都叫紧张埋一份，始终打风怕有危险。点知𠮶日虽然打紧风，但就阳光普照，真系天公造美。（最近成功出售手头上物业，系咪睇淡香港经济楼市？）其实唔关我事，层楼系我送俾佢，老婆决定唔关我事，佢自己揸主意，我主要系负责揾钱，层楼供就系我供，冇我份，哈哈。”