东张西望｜“热气球激心港妈”狂爆金句！　泪水忍不住透另有内情

热气球节变“放风筝节”引来全城热话，“激心港妈”一番据理力争，完全无粗口但句句到肉说受访片段得到不少掌声。《东张西望》今日一集，访问片中主角“激心港妈”何小姐（Dreamy），一番说词同样令人拍烂手掌。同时，她也透露出，当日受访不说粗口的原因。

“激心港妈”何小姐（Dreamy）：“失望资源，我唔明白点解一个主办，花咗咁多时间，花咗咁多钱去做宣传，但系到头来，你用一句说话：政府冇批到𠮶个牌照畀我哋。然之后做唔到𠮶件事，用张黑色胶纸贴喺banner就当冇事发生。我唔明白点解可以咁不负责任？点解你去到最后moment，last minute，你先去通知我哋呢一班买咗飞嘅人。”

她续说：“其实你系咪当紧我哋呢班消费者系傻㗎呢？根本上系欺诈嘅行为，你系误导性嘅宣传。我觉得呢件事唔系我蚀咗钱，唔系你攞𠮶几百蚊雪糕券打发我哋。我哋唔系乞儿我哋系一班消费者。我喺香港，我而家要追讨嘅系一个公道。如果我哋唔追呢个公道，净系话：我攞返啲钱就算。即系话我哋而家纵容紧其他主办单位，以后可以喺香港搞呢啲活动，大肆宣传，收完钱之后，不负责任，只系讲一句：批唔到，系政府责任。当其时仔仔喺身边，哪怕我几想讲粗口。”

“好多网民都话：点解我唔讲粗口？其实我讲粗口好叻好流利，因为我系一个土生土长嘅香港人。我要讲嘅话28个字都识讲。问题嘅系我争取紧嘅系权益，我亦都教导紧我细路仔，对待一啲不公义嘅事件，我哋要点样处理，所以我系唔会讲一个字嘅粗口。”

“激心港妈”何小姐也表示，事件除了令入场市民失望，亦对她的儿子造成不少打击，更一边眼眨泪光一边说出内情：“仔仔好期待呢个活动，因为佢有注意力不足过动症和自闭症，所以呢啲有特殊需要嘅小朋友要花好多时间，心机去开解佢。我小朋友返到屋企都好情绪低落，佢问妈妈点解会咁样，我只能够尽能力去开解佢。”