朱晨丽认见过何广沛未婚妻Sarah　从无交流未必出席婚礼：冇谂过

朱晨丽（朱朱）今日（6/9）现身观塘出席作者会聚分享会。提及前绯闻男友何广沛早前正式宣布求婚成功，将与拍拖两年的女友Sarah Miu（苗承诺）拉埋天窗，而何广沛受访时直言与女友Sarah在沟通上十分顺畅，拥有共同的价值观和生活目标，令感情更加深厚，并明言婚后会极速造人，组织一个小家庭，朱朱接受《香港01》访问时亦有回应。

朱朱接受《香港01》访问时表示：“其实喺佢公布婚讯后，我已经有透过传媒祝福佢，第一时间已经回应咗。（本身你认唔认识佢未婚妻Sarah？）其实喺好多公开场合都有见过佢，同埋大家都系工作嘅时候见到，所以系冇嘢㗎。（有冇倾过偈？）咁又冇，因为大家都做紧嘢。（如果佢邀请你出席婚礼你去唔去？）你呢个问题我系冇谂过，因为每个人都有自己生活，好多朋友都有邀请我去佢嘅婚礼，可能某啲情况出现，变咗未必可以去得到，咁所以到时先讲啦呢啲嘢。”

被问到会否觉得无线资源分配不均？朱朱表示：“相信公司都有佢哋自己嘅衡量，佢哋都会睇吓个角色啱唔啱个演员嘅同时，亦会考虑资金方面，变咗就交畀公司去做啦。（你会唔会片酬太高？）哈哈，绝对唔系啰。（会唔会主动敲门搲捞？）呢啲好似好旧时代先有，而家应该好少，同埋好少听到。不过人大咗就应该要主动啲，以前细个就唔识，到某个年纪自己就开始有自己嘅谂法，咁所以而家都会主动咗同人沟通，睇吓有冇其他嘅合作机会。”