歌手王若琪脑动脉瘤缩细头痛半年　感叹：生病离开唔系老人先发生

歌手王若琪（Takki）2008年在韦绮姗介绍下入行，后来因父亲病逝、母亲健康问题而停工。她曾短暂复出乐坛，后因情绪病而离开幕前，到外地生活神隐一段时间。今年2月她透露患上脑动脉瘤，不处理的话有机会爆破而有生命危险或伤残。她回港做把支架放入血管内的手术，其后再食6至9个月药等血管修复，幸而手术成功。

日前王若琪上载X光照，透露脑动脉瘤缩小了，“逐步康复中，感恩感恩”。王若琪透露做完手术后半年感到头痛，但医生认为与病痛无关，或与焦虑有关，“唔知系咪心理作用或者之前有啲焦虑，我睇完医生呢两日好似又冇乜头痛，所以呢做人有时唔好谂咁多嘢”。王若琪对上一次覆诊医生指复发要“再入多个支架”，吓亲王若琪。之后医生幽默称：“开只好正嘅药俾你，你食住先顶唔顺唔得先去疼痛科。不过都恭喜晒你解决咗个问题喇！”王若琪亦搞笑指：“我心谂佢讲到只药咁正，我下次一定要试吓𠮶种感觉。啋啋啋”。

王若琪除了多谢医生外，她抒发感受指明白幸福不是必然，又感叹黄泉路上无老少，她发文：“幸福唔系必然嘅，珍惜所爱珍惜生命珍惜身边一切美好同唔美好嘅事情，渐渐地发现生病同埋离开真系唔系老年人先会发生嘅事情，以前工作或者生活唔开心都会有啲埋怨嘅，但系我依家系感谢发生嘅一切，令到我觉得其实自己都好幸福同埋好幸运”。王若琪又指会继续写歌，不少网民都留言为王若琪加油。