女神配对计划｜梁敏巧被阿Matt深情告白感动：喊到口水鼻涕出晒嚟

无线（TVB）恋爱真人骚为叶蒨文、梁敏巧、李芷晴、关嘉敏及罗毓仪 5位女神进行恋爱配对，更将由拣男仔到追求，约会，互动，告白整个过程放到电视荧光幕上。经历了数月节目，亦即将迎来最终章，到底5位女神面对众位求爱勇者又会怎样选择呢？

日前“东张女神”梁敏巧在Instagram上分享三段来自刘启进、T.Max和荣嘉尔录下的“给十年后的你”的深情告白。荣嘉尔在片中说道：“今天2035年4月5号，你在一个很大别墅，外面是大海，你听到小孩的声音，你想去看看，有个小男孩握着你的手，说：妈妈我很爱你。走进厨房的时候，发现有个高一点的帅哥给你们做早餐，然后说：我的宝宝，早餐好了。后来这个小孩打开电视，你看到主持人说：这是来自乌兹别克的男孩，就想知道爸爸妈妈怎样认识。如果10年前那一天你没有选择我，今年的今天会怎么样。”

T.Max在片中，则坦言发现与梁敏巧还是不合适：“首先我真系好感谢，你喺我最低潮，最唔开心嘅时候，行埋嚟喺我身边拍一拍我，讲咗好多温暖我，鼓励我嘅说话。问我10年之后会点，我觉得10年之后⋯⋯我记得有一次你同我倾偈嘅时候，你话你好简单嘅啫，想结婚，生两个小朋友，好简单好幸福咁过日子。我会唔会有机会成为两个小朋友嘅契爷？希望我有咁嘅机会啦。嚟到呢个节目，我只系向住Yuki，去到我嘅失意，唔开心嘅时候，开始认识，我哋乜嘢都倾，我都好耐冇心入面软弱嘅部份同系分享，但系愈倾得耐就觉得，我唔系你最适合嘅人。我觉得你阿Matt好衬，所以10年之后，我希望我哋可以继续无所不谈。如果阿Matt有咩对你唔住，我亦唔会放过佢。”

对于以上两位的短片，网民的反应不一，有人留言批评T.Max：“大哥，你无端端弹去Maggie𠮶组，本来大家都同情你嘅，但系...你明㗎啦”，更有人笑言T.Max的“深情告白”更似是结婚贺词，说：“反而好奇想听TMax对Yuki讲既十年后告白”。至于对“冇咩存在感”的荣嘉尔的告白，网民就纷纷表示“听唔明”，又有人直言不明白为何要将他放在后来的集数填补空位。

被喻为与梁敏巧最合衬的刘启进（阿Matt）的深情告白，就被网民指是三段片段中最真诚的。“如果一齐咗，我哋未来嘅10年会系，经历好多唔同高低起跌，而我哋亦都会系以最亲密战友嘅方式互相支持大家。最重要嘅系，无论发生咩事，我都唔会离开你，喺呢10年里面，我哋可能会去唔同主题公园玩，会带你去唔同地方感受唔同文化同埋风景。你唔需要担心带漏嘢或者荡失路，因为我喺你身边，你只需要好好咁享受旅程，咁就足够。我哋嘅生活未必会日日都咁多姿多彩，可能最多游吓车河，散吓步，谈吓心。不过有一样我好肯定，我需要一部容量好大嘅电话，原因系我要将你瞓觉，扯鼻鼾嘅片，同埋帮你影好多靓相。三，四年之后，我会单膝下跪，问你愿唔愿意成为我嘅另一半，然之后我哋会去一个海边嘅海外婚礼。完成婚礼之后，我哋会慢慢先生一个小朋友，10年之后生第2个。10年话长唔长话短唔短，我会证明我系咪一个有质素，达标嘅人。”

梁敏巧留言：“好衰又搞喊我”，有不少网民都赞阿Matt的情感真挚，又说：“听咗暂时咁多段，呢段先听得出份真挚嘅爱。听到出个份真心真意，听得出会对maggie几好”、“好真诚，好感动！讲得好好，被感动了！”

梁敏巧接受《香港01》坦言拍摄当日，睇到阿Matt的深情告白时已感动到大喊：“睇完条片，我真系觉得佢好上心，因为佢记得我讲过嘅嘢同埋钟意嘅嘢。第一次睇佢条片嘅时候，我已经喊到收唔到声，口水鼻涕都出晒嚟，估唔到监制又post多一次，其实我唔敢听返，因为我惊自己又喊。过咗一阵，鼓起勇气再听，都系又喊到收唔到声。同埋佢真系好sweet，好暖男，yeah！”