AK江𤒹生专访｜入行后越来越“I人”　与MIRROR相处尽量唔滚搅

AK江𤒹生最新单曲《月月》以友情为题材，首与填词人冯颖琪合作，为了唱出细腻感，连声线也放轻了。歌词中的“分叉口到了 只可以走”，AK坦言入行后经历更多：“除咗移民之外，入行后，in and come 嘅人系好多， 好易识人亦好易有人流失。我个社交圈子越来越窄，而我亦越来越I，性格无以前咁活跃，而家身份唔同咁，顾虑多咗，维持朋友关系又会唔同咗。”

确实，要维持友谊，连最简单的“约餐饭”，对AK来说也不是易事，由度期、到拣私隐度较高的餐厅，如非有足够的爱与包容，确实难搞。“以前一年一次聚会，而家可能真系结婚先会见到，呢首歌想讲系大家都好识去维系感情，但亲情、友情都要畀力同心思去维系。” 以往对朋友的爱，AK说是多到满泻，但近年学会了“收一收”留给真心对待自己的朋友。“我系好愿意讲sorry嘅人，有问题我通常都系即日清，尽可能唔好留过夜，如果感觉到个vibe有啲奇怪，会约出嚟倾，我一般系倾完就无事。”

谈到见最多的兄弟 ，一定非MIRROR莫属，如果“十只手指有长短”的话，11位兄弟亦有“亲疏排行榜”，AK说：“讲真，我觉得大家关系差不多，close与否系话题中唔中嘅分别，而家我唔会因为话题而特地揾嘢讲，因为你想咁做，人哋未必想听，呢个都系呢几年学识，我哋12个一个相处模式同默契都系唔好滚搅大家。唔系小心翼翼，系对大家嘅尊重，同埋都明白平时无咩自己时间，有啲嘢工作见到有嘢会倾， 如果再有时间，我相信都系想独处，我系咁谂，对方都应该系咁谂。”

比起执著解决问题，AK近年学会了chill著面对，也学会了享受me time。“朋友聚会要睇缘份，因为好多都舞者朋友，我唔使做骚时可能佢哋忙紧，我系约到就约。拣得去嘅聚会我会玩得癫，如果要去陌生地玩，我未必怕去。”

Make Up：Giann Cheung @Annie G. Chan Makeup Centre

Hair：Seiko Sin @Hair Culture

Stylist：WAN JANSCO 温唯

Outfit : Amiri ｜Glasses : Gentlemonster Puyi Optical ｜Jewellery : Chow Sang Sang ｜Shoes : Hoax

场地：No.5 Studio HK