侠医｜谭凯琪扮“可爱自闭姐姐”折磨张曦雯到崩溃　超绝演技获赞

侠医｜由无线新晋监制陈萍、携同编审麦世龙及黎倩仪携手炮制的全新正气剧集《侠医》，逢周一至五晚八点半翡翠台播映，主要演员有陈豪、张曦雯、马贯东、丁子朗、刘佩玥、谭凯琪、冯皓扬、郭柏妍、游嘉欣、郑子诚等。9月8日播出的第六集，焦点剧情集中于罗颖茵（谭凯琪Zoie饰）及罗颖琛（张曦雯Kelly饰）两姊妹身上，颖茵饰演自闭症患者在剧里闹出不少麻烦及笑话，获封“可爱的自闭姐姐”。

9月8日播出的第六集《侠医》，焦点剧情集中于罗颖茵（谭凯琪Zoie饰）及罗颖琛（张曦雯Kelly饰）两姊妹身上！颖茵由于患有自闭症，对于不少生活细节，包括食三色豆时的排序、衣服颜色及款式的配搭、食早餐时间、想做的事情、要看的书，及坚持要吃“卜卜脆”食物等，都有一定程度的执著、甚至可以说是绝不让步，因而闹出不少麻烦及笑话，当中最大受害者，非被母亲曹丽璇（黎燕珊饰）勒令要好好照顾姐姐的颖琛莫属。

其中一幕颖茵强逼颖琛晨早流流起身煮早餐的场口，绝对笑料十足！剧情讲述颖茵六点钟未到就猛叫熟睡中的妹妹颖琛起身煮早餐，原本已精神不足的颖琛，以生无可恋tone为家姐𢳂一早规定好的“三勺半Cereal”，不过颖茵却有感颖琛𢳂多了半勺、遂阉尖地将多出来的半勺Cereal倒回container中…之后颖茵又逐一批评颖琛整的多士“唔够脆”，及㶶边蛋唔够㶶边，更不断叫颖琛再整过，令颖琛几陷崩溃，相当搞笑。

获封“可爱的自闭姐姐”

对于这段既搞笑、苦恼但又温馨的“非一般”姊妹情，网民普遍相当受落，还大赞张曦雯有喜感：“这就是姐妹兄妹之间的感情～可能偶尔会抱怨会不耐烦会吵架～可是还是会互相体谅、互相珍惜双方的付出”、“真的被这剧的姊妹情吸引了。”至于Zoie的招牌童颜，及每次都必定带来新鲜感的演出，亦获得了一定的认证：“有一刹那还以为你是妹妹，真可爱”、“希望谭凯琪，可以攞最佳女配角奖”、“有啲似《非常律师禹英禑》”、“演得好好，不同类型的角色都能驾驭！”、“演出了花家姐的感觉，有点佘诗曼的影子”、“好可爱的自闭姐姐”。

对于网民受落新角色，Zoie接受官方访问时坦言舒了一口气，并透露事前确实做了不少功课：“我有睇咗啲documentary，知道有好多唔同类型嘅自闭症，有啲静啲、有啲好钟意讲嘢，同埋佢哋好钟意一样嘢、就会即刻去研究！咁我个角色就系对颜色好有执著，同埋要好有规律，譬如食嘢要有次序、要排到好整齐，我都尽量做多啲呢啲细节位，希望可以演番出个特性... 所以演𠮶时有成日提住自己，一有呢啲嘅场口要尽量做多啲...”、“另外我都有参考一啲讲自闭症嘅影集，同埋有联络过自闭症协会等等嘅相关组织，向协会啲人了解吓自闭症同埋相关Case，睇吓可唔可以摆到啲Case落去套剧。例如有啲患者佢哋可能会大叫或者揼地，我就尽量抽一啲唔好咁小朋友嘅嘢嚟演，因为都想演出嚟唔好同观众想像争太远。都难架，好似讲嘢嘅节奏，佢哋一般都好平，但监制April会想我演得生动啲...即系有时我比较冇乜太多表情时，佢就要我生鬼番啲，所以都要一路演一路tune，tune返啱个角色定位同年纪。”

谈到剧中角色为张曦雯带来不少麻烦，Zoie笑言主要灵感是来自囡囡：“譬如食早餐，因为我个角色钟意食卜卜脆嘅嘢，一食到觉得唔够脆嘅，就会即刻揼落去Kelly个碗度，当佢个碗系垃圾桶咁，哈哈！我觉得呢个角色都有少少似我个女，又系唔好食𠮶啲嘢，佢就摆落我个碗度啰！（笑）我就拎咗佢呢啲嘢放落套剧度。”再问荣升妈咪的Zoie ，现实生活中自理能力如何时，她笑言全靠囡囡“训练”，令她由不懂照顾别人的人、变成可以照顾别人生活细节的人：“生活上可能大事方面，就系我老公照顾我...但系小事好似生活细节位、衣食住行呢啲，都系我理架！我本身唔系一个好识照顾人嘅人嚟，不过有咗个女之后，我觉得自己细心咗，同埋会谂多几步，都系一个好好嘅训练嚟。”