向海岚激赞“最上镜小姐”李尹嫣 大热未能入三甲：有少少可惜

香港贸易发展局主席马时亨今年再度主持全新一辑清谈节目《马时亨·狮子山精神》，今（9日）举行节目发布会，当中有不少访谈嘉宾出席支持，包括许冠文、黄金宝等，其中向海岚就在节目中担任嘉宾主持，她在受访时表示与马时亨合作，见证着对方落手落脚为节目付出，在他身上学习了许多得着。

《马时亨·狮子山精神》有10位来自不同领域的嘉宾作深度对谈，而在受访时向海岚就表时也很想挑战这一类的访谈主持工作，问到若有机会，自己心中有何名单人选时，她就表示此时此刻想到的第一个名单就是歌神张学友：“佢其实系我当年选港姐时候系评判之一，后尾我入咗行之后，我拍嘅第一个MTV系佢，系期间一路见到佢，由以前细细个读书时候听佢唱歌，到佢后尾佢不断将自己改变，令到自己喺演唱会或舞台上有好大转变嘅时候，呢一个佢都可能有好多人生经验或者佢一啲工作态度会令到我哋可以学习。”

而身为港姐师姐的她，亦透露有留意这一届的香港小姐，但对于1号李尹嫣未能挤进三甲位置，就觉得有一些可惜：“今年冠、亚、季军我都几钟意，季军系我第一个贴中咗，其实我本身都好钟意最上镜小姐，9号同7号都系我心水之一，我见到佢哋学历好高，佢哋对答方面都好好。我自己作为一个观众嘅时候，我当其时睇电视嘅时候系好钟意1号，我觉得佢整体俾我感觉好sweet同好开心，睇到佢冇入到三甲嘅时候，觉得有少少可惜。”但她亦大赞冠军陈咏诗和亚军施宇琪亦好代表到港姐。

另外，提到冠军陈咏诗亲自上贴与男朋友在水中激吻的影片，被不少网民指出是“豪放港姐”，对此，向海岚就认为时代已不同了：“依家嘅年代可能同以前有少少唔同，佢自己都唔介意同人分享，其实拍拖都系一件好开心事，我谂佢都系想将自己开心嘅一面同大家分享。”至于会否影响港姐形象，她就表示：“可能喺我嘅年代或之前嘅年代，大家可能会保守啲。但系我觉得依家嘅话，系真爱嘅又真系钟意对方嘅，我觉得男女之间自己开心嘅事，咁留低一啲愉快甜蜜嘅片段都系值得怀念嘅。”