钟嘉欣自爆首次月经惊魂　以为有绝症瞒家人去拜神：我唔可以死

钟嘉欣自从成为人母后，便将生活重心放在家庭，减少工作量。日前她到接受电台节目《可“连”天下父母心》主持Christine（汀汀）访问，被形容是“铁人妈妈”，她大谈自己的育儿之道，例如要小朋友早睡早起、朝早做完功课才返学等，她亦坚持每天步行送子女返学，放学后则安排玩乐时间及课外活动等。钟嘉欣又大赞丈夫是“神队友”，作为一名医生，虽然工作繁忙，但回家后会积极分担煮饭、洗衣和清洁等家务，她称：“我做到嘅嘢佢都做到，我哋两个都好全面。”

钟嘉欣又坚持要培养子女的独立性，要求孩子们自己完成穿鞋、收拾书包、清洁午餐盒和洗澡等，“出街时我唔会帮你著鞋、你嘅书包自己清洁，午餐盒自己攞出嚟。”她笑言：“我本身系个好温柔嘅人，但做咗阿妈之后，把声好大声，隔三间屋都听到我讲嘢。”有时子女太百厌，嘉欣更会跟他们说：“知唔知道你哋咁样，妈咪真系会爆血管！”

谈及三个孩子的性格，嘉欣形容大女很听话、有主见及充满大家姐风范；儿子则是她的“情人”，但又很固执，经常说出甜蜜的话语；两岁的细女则最野性，“佢好E人（外向型），每个人都系佢嘅朋友，一见到面就好热情打招呼，好多人都识佢，因为佢好有社交能力。”当孩子们争吵时，钟嘉欣都试著用不同方法处理：“嗌交、打交成日都有，我都要不断学习，最初就好温文同佢讲道理，教教吓唔得就发火，有好多方法可以处理，我都学习当中，我都有哥哥同家姐，所以好明白佢哋点解会打交，总之唔好流血就得。”

大女Kelly今年9岁，谈到孩子将会相继踏入青春期，一讲到这里嘉欣就很伤感，“如果有一日我唔可以再闻佢𠮶啲酸臭味嘅臭脚，会冇晒人生乐趣，暂时接受唔到，我个女依家每一日都有变化，表情同回答每日都有啲唔同，愈嚟愈接近冷淡，但以前唔会有，所以有啲伤心，依家钟意同朋友玩就唔记得爸爸妈妈，9岁又快咗少少。”

她更大爆自己青春期时，十分害怕来经，“第一次嚟好惊，我唔敢话畀阿妈知，以为有病，仲静静鸡去拜神，‘我唔可以死，仲要陪阿妈’，之后阿妈见到垃圾筒，就解释畀我听，先知原来唔系有病；作为阿妈知道阿女将来会嚟都好惊，想像唔到。”