Kiri T“折”得劲离谱　自爆男朋友最浪漫系买“假甲”

Kiri T新歌《蓝剔未必是坏习惯》以暗恋为题材，她说自己整个中学时期都在暗恋中渡过，面对暗恋对象，一直采取“唔讲嘢”、“斋观察”的态度。“细个真系好折，大部分时间都系写歌，对住电脑或琴。喺屋企谱写好多爱情故事，有时谂返咁折系咪好，好嘅系我建立咗一个好大嘅宇宙，唔好系好似无经历过啲咩，以前喺英国读书，放假时朋友会去欧洲，我系揾最近学校嘅town，整个假期留喺屋写歌，give and take 无嘢系完美。”能够“折”出一只容祖儿的《两面》，其实也不必是坏事；“折”了多年， Kiri近年才下定决心与相识多年的友人一齐旅行 。“以前太认真，搞到个人好紧张，做音乐有多啲经验，反而令个脑松啲会谂到多啲嘢。”

中学时代沉醉于创作音乐，Kiri 也曾有“无人明白我”的心态，直到在英国留学，遇到一班“啱咀形”的朋友。整个访问离不开“折”，Kiri说与拍拖5年的男友也很“折”，放狗虽然是拍拖日常，但狗狗原来也很“折”，出门15分钟是极限。如何维系“折”人的爱情？Kiri说：“我心目中嘅爱情系好淡然嘅sweet同有狗仔，我唔系好钟意plan太多嘢，而家咁系好理想。所谓的淡然，当然不会有烛光晚餐的存在，因为“要著到好靓，有啲烦”，所以当问男友最sweet的举动，Kiri想了又想：“因为我要弹琴，所以唔会整啲好长嘅指甲，有时影杂志要有假甲，男朋友系识买𠮶款指甲再摆喺我个袋，同埋佢会帮我卸甲，我觉得好sweet。” 再问身为女友的她做过最sweet的举动，Kiri瞬间hang机，继而傻笑并指迫男友饮水是最sweet的举动⋯⋯

Kiri去年凭《至少做一件离谱的事》首夺叱咤十大第五位，她认为这个奖来得刚好，但也不会为今年的成绩表而感到压力，自加入华纳后，主力出广东歌，Kiri自觉越唱越顺。“录《蓝剔未必是坏习惯》时好似讲嘢咁，但比起我第一只广东歌《扭拧雪糕屋》，可能因为累积咗经验，今次唱得更得心应手。” 谈到蓝剔，Kiri自爆WhatsApp未读讯息已发展到3位数，虽然望到会有一额汗感觉，但又并未太想处理。“已读不回我又还好，如果系朋友，会谂佢哋可能忙，有紧要嘢我会直接打畀对方，有试过打完一大段嘢，几日后先发现原来无send出去。”

Hair : Carman Ngai

make-up : Tammy Au

Stylist : Eddy Chu

Outfit : @shushu__tong @markgong_official from @harveynicholshk