VIVA专访｜从生疏到磨合出互信团魂 Macy：唔闹交唔知对方谂紧乜
出道一年，对女团VIVA而言，是一趟高速驶往成长的列车。月前VIVA举办一周年粉丝见面会，四位成员——姜咏鑫（Ada）、张鈊贻（VALC）、李晞彤（Carina）及马思惠（Macy）在台上哭成泪人，反应远比在任何颁奖台上更激动。这一年，四位学会的不仅是如何在舞台上发光，更是如何面对彼此的棱角、直视外界的评语，炼成四位一体的团魂。从早前的同居真人骚所见，四位关系一度生疏，相处亦有磨擦，但经历完磨合阶段，如今似乎已亲密不少，亦多了种不言而喻的默契，难怪Macy直言：“我哋唔闹交反而唔知对方谂紧乜嘢。”
服装：ithk @i.t_too
发型：Jeremy Wong @myos_hair、Kelvin Liu @myos_hair、Taka Chung @myos_hair
化妆：Cyrus Lee、Davina Cheung
场地：Ladygourmand、@ladygourmandhk
见面会感动爆喊：会谂有咩值得Fans咁钟意
颁奖礼上的眼泪，或许掺杂著紧张与压力；但在粉丝见面会上的泪水，却是百分百的纯粹与感动。Carina坦言最初并未落泪，直到被一位粉丝真挚的告白所触动：“佢直情攞咗咪之后就同我哋讲话‘我好钟意你哋呀，我好爱你哋！’然后我就觉得，用言语去咁直接对住我去表达呢，件事系我全部接收晒啰𠮶刻，同平时佢哋写信或者DM我哋好唔同。”这种直接而温暖的情感冲击，让她的眼泪瞬间缺堤。
就连向来不算眼浅的Macy，也被台下粉丝的眼泪所感染，触发了内心深处的自省与感动，甫拿起咪高峰读感言，万千感受便涌上心头，“啲fans好近呀𠮶一下，你直接见到有啲人喺下面已经喊紧，你会‘Oh my god！’会喺度谂你有啲咩嘢值得佢钟意到咁样样，你会有呢个感受，‘唔得！自己要再做好啲！’”而VALC则表示，自己是那种一用言语表达感受就会喊的人，不论吵架、致谢等等，话一出口就潸然泪下。
相较于颁奖礼上“唔可以失礼”的紧绷，粉丝见面会提供了一个完全放松的空间，不怕在前辈或观众面前丢脸。Ada坦言，粉丝的支持给了她们莫大的安全感，因为自己一直怀疑到底VIVA做的表演有没有人喜欢、自己是否向著梦想进发，无形中被压力笼罩著：“但佢哋会关心你嘅身体，或者系你开心定唔开心啰，唔会再畀啲压力你。呢个环境下见到咁多人锡我，就会觉得，其实之前一路嘅压力都系自己框住咗你自己啰。”
新歌表达循序渐进关系 不刻意夸大友谊反更舒服
年初访问VIVA时，四位已透露想出慢歌，今年终于等到《不够浪漫的我们》派台，歌名巧妙地道出她们从陌生到熟悉的关系变迁。VALC解释：“我哋四个都唔系用语言去表达我哋对大家嘅爱，多啲用行动，或者多啲用暗示，所以‘不够浪漫’其实唔系唔浪漫，纯粹系唔会好出面同你讲我好爱你，我觉得做系多意思过讲嘅，所以《不够浪漫的我们》某程度上系我哋对大家慢慢地适应、慢慢地认识大家嘅boundaries喺边，慢慢地去保护大家。”
这首歌的诞生，也见证了她们关系的进步。从最初同居生活相处上屡生磨擦，到如今的互相信任，这段旅程绝非一帆风顺。Carina透露，制作歌曲时她们有一个共识：“我哋唔想呢首歌系一首超级sweet嘅歌，我哋觉得要循序渐进，按返我哋而家嘅关系或者我哋点样嘅沟通、我哋嘅相处去写，所以里面唔会夸大我哋嘅爱，就系刚刚好嘅感觉，但系都好开心大家听完出嚟系觉得好感动啰。”VALC补充说，这首歌的意义会随著她们的关系而演变，愈发醇厚。
问到四位现在是否亲密了许多，Carina认为最大分别是，以往只有从访问中才可得知队友近日的想法，但如今反而多了默契、不言自明。从最初的“纯工作关系”，到现在会多了玩乐，Ada笑言团队变得更像朋友，VALC则感叹：“而家开始先feel到，四个人一齐做嘢系好幸福㗎！以前觉得四个人太多谂法喇，一齐做嘢好辛苦，但系而家就觉得四个人辛苦，但系又一齐面对系好好玩嘅事。”此时Ada却自爆：“其实我有啲衰㗎……”原来她觉得有四个人分工合作都不错，因为自己不想用脑时可以放空，队友即笑著“窒”她：“哗！你真系爽呀你！”
从磨合到信任 闹交后更了解对方想法
姑勿论男团、女团，呈现给外间的印象总是要团结、互相扶持、不离不弃……但这种完美形象之下，往往隐藏著不为人知的磨合阵痛。公司在团综没有逼她们“扮Friend”，VIVA亦选择坦诚面对四位当初的不和谐，更不讳言她们的关系是“闹交”而建立。
Macy坦白地说：“我哋属于𠮶种唔闹交反而唔知对方谂紧乜嘢，以前要知道对方嘅谂法，要通过访问，呢个系最唔会闹交嘅情景，先会讲出自己嘅谂法，但系我哋而家唔开心就会直接讲出嚟，就算对方会唔开心或者自己会唔开心都好，我哋消化完呢个情绪，或者消化完呢件事之后，就可以好好相处，个时间反而快啲。”
这种直接的沟通方式，也让曾是“和事佬”与“people-pleaser”的Carina学会了表达真实感受，不再为顾全大局而委屈自己：“我而家有时唔开心我都会直接啲，因为我觉得我唔需要喺自己唔系太开心嘅时候，我要讨好其他人。”
睇负评睇到震 决不停滞盼将来做得更好
作为公众人物，面对网络评论是必修课。在团综中，VIVA曾有一个环节是正面迎击网民的负评，公司毫不留情要她们读出及回应网民辛辣的评论，例如：“四个都系老奉想人服侍，以为自己花瓶”、“睇佢哋讲嘢都feel到佢哋friend唔到”、“直率唔代表控制唔到脾气”等等，面对负评过程虽然残酷，却也成为她们加速成长的催化剂。
VALC忆述自己一直不敢睇留言，直至拍片前一晚才鼓起勇气，本身焦虑底的她形容：“我睇comment系会震！”但同时她又感激公司给予这次机会坦然面对，而拍完片那一刻，她便视之为一个章节的结束：“佢哋批评紧𠮶时嘅我，但系我之后会慢慢变，咁你就慢慢再批评，再算啦！”Ada更大爆：“佢好似𠮶一日问我‘你之前睇咗comment系点样去消化呢啲嘢？’我觉得好搞笑，点解你会问我嘅？所以喺呢个位就系，好似多咗一个信任或者系多咗一个佢会倚赖我嘅感觉，呢个都令到我觉得，我哋真系有close！”Ada认为批评在所难免，但至少VIVA是四个人共同面对，而且她不会让自己停滞不前，相信他日一定会变得更好。
Carina则从评论中学会反思，留意到自己镜头前可能过于吵闹，会视之为一次细致调整的机会。而Macy则认为看评论很有意思，笑言：“如果睇到一啲好嘅comment嘅时候，我会认可咗佢！”有人赞赏固然开心，倘若有人抨击，她亦会从中分辨善意抑或恶意，过滤完再去芜存菁：“如果我觉得佢讲得啱嘅话，我就会反思‘我要听喇！’但系如果佢讲得唔系咁啱，我就觉得‘算啦，唔理佢啦！佢都憎我嘅。’咁我以后有办法令你再钟意我再算啦，我记住你个名！”
曾不知组合能走多远 渐卸下心房建立团魂
回望出道一年，四人最大的成长，都与“人”有关。VALC认为自己学得最多的是做人和“点样对人”；而Macy的答案则是“合群”，她坦承初入行时习惯单打独斗，加上身边同事流转得快，她对团队未来充满不确定感，个性也较疏离：“大家靠埋嚟同埋离开𠮶个速度系非常之快，咁其实我对佢哋打开心扉都比较难，我啱啱遇到佢哋嘅时候，我唔知VIVA可以做几耐，我唔知当时同事会喺我身边做几耐，我可能用一个工作嘅态度去对住佢哋，完成我嘅工作就完，私底下冇交流、冇任何connection都觉得系OK。”但如今，她见到好玩、好食、有趣的，都会想跟三位队友分享，“我觉得作为女团嚟讲，团魂真系好紧要！而团魂呢件事唔系净系喺工作上面体现，如果唔系就系我哋开头咁样啰，‘Hi，我哋好friend！我哋系VIVA！’但系你会feel到我哋之间个距离感。”
Carina最大的蜕变是察觉到自己“怕被拒绝”，从而学会不再盲目地充当“和事佬”，由于另外三位成员都比较保护自己，起初Carina关心她们、释出善意时，对方也不太懂接收，“佢有时会唔明点解你要做呢样嘢，咁所以𠮶下我就会觉得，点算呢？我咁样做好似唔啱㖞，原来佢哋拒绝我嘅时候系我最难过嘅时候！其实成绩𠮶啲对我嚟讲唔系太大感觉，因为我入女团就系想同一班人一齐好开心咁样做呢件事，所以我其实睇得最重就系佢哋，如果佢哋都系咁拒绝我，我就会好难过，但而家已经冇咗个状态。”
Ada则在跌跌撞撞中，找到了更舒服的表达方式，从过度自我保护，变得较愿意表达自己，更被Macy大爆她一有感受要“爆”就会讲足几个钟电话，不过队友反而很欣赏这一点，因为她至少多了尝试分享自己的感受。VIVA成团一年的故事或许“不够浪漫”，没有如童话般顺遂，却充满了有血有肉的人性温度。从泪水与笑声中，VIVA学会了理解、接纳与分享，慢慢从四个独立个体，融合成四位一体的整体。
请按下图看更多VIVA专访靓相：
.