林盛斌分享独门招财小妙法　方法简单易学只需备呢5样物品

林盛斌 (Bob) 是出了名的金牌司仪，接各大小司仪的Job接到手软。多年前已有传出名是“爆骚王”的林盛斌平均每场骚收六位数字的酬劳，还曾试过一年接下过百场骚，而农夫的C君在节目《大整蛊》中更大爆Bob的年收入：“喺𠮶一年赚咗2000万，系真㗎。”不过Bob当时就否认：“你唔好听佢乱讲啦。”足证林盛斌Bob身家丰厚，吸金力惊人。

林盛斌生财有道，财来自有方。日前他就于社交网分享了他的独门招财小妙法，发文写道：“虽然我唔系一个风水玄学家，但系如果你系相信“能量”同“气场”呢样嘢，我想教大家一个唔错嘅招财小方法。请大家留意吓自己屋企𠮶张饭台，真系唔好睇小佢，其实佢系你屋企一个好重要嘅位置，亦都可以咁讲，餐台系你嘅财富中心，所以请你时常保持整洁，唔好放啲无谓嘢同杂物上去，最衰最衰嘅就系放埋𠮶啲乜单物单喺度，即系𠮶啲银行单、卡数单、电费水费煤气费嘅单，呢啲真系要全部清走佢！”教大家如何在家中招财。

林盛斌续说：“另外请你喺餐台上，摆放以下五个物品：1 新鲜嘅黄色花 2 新鲜嘅水果 3 面包 4 黑胡椒 5 盐，呢几样嘢我屋企已经摆咗一段时间，我觉得效果系几正嘅，有啲料嚟嘅，我亦都私底下话咗比几个朋友仔知道，不约而同地，佢哋都话即刻见到啲效果。想知道点解，可以上去我个Bobtivation详细了解吓。”方法看来相当简单易学，不少网民都留言表示要试试是否真有效果。