25岁游嘉欣仍然是“A0”　暗示有TVB男星追：桃花运薄弱

TVB剧集《侠医》昨日（11日）于射箭场举办宣传活动，一身运动Look现身的游嘉欣十分清凉，她接受《香港01》访问时被问到早前于社交平台分享的泳装照很性感时，即表示该件已经是众多泳衣中最保守的一件：“我已经系入面拣咗一个唔系咁性感㗎啦，即系你见佢都系一件one piece，都唔系话好性感嘅类型，我自己就比较钟意啲清新、日系啲嘅，所以我嘅泳衣都唔会话太过暴露。”游嘉欣更表示可以接受性感的路线，但就只限“健康性感”，她一直都觉得自己是一个“穿衣显肥，脱衣显瘦”的人来，所以就努力健身。

游嘉欣指除了《侠医》外，还有4套剧集未播出，被问到之后的安排时，她则指：“剧集嘅拍摄就仲未知道，但系就会拍一个综艺，个综艺其实之前已经拍紧㗎啦，但系之后都仲需要啲时间去再拍，咁我谂嚟紧应该都focus喺综艺度先。”她再被问到是否因为TVB减产而令没剧拍：“我谂系其中一方面啦，同埋我谂公司系即系人系好多嘅，咁所以我谂如果大家要公平咁去share个机会，或者系每个人都要畀大家见到嘅话，可能一轮嘅话都都会令到个机会少咗嘅。”但游嘉欣就指自己之前因为已经拍落不少剧集及一直都有工作，所以未有剧拍时就可以去培养兴趣。

游嘉欣表示最近趁有空学了不少东西，例如：日文、网球等：“即系尽量令自己喺空闲嘅时间，都可以增长下自己。”至于收入方面，她就觉得不大影响：“同埋以前都有积蓄，咁我觉得我又唔系大使，所以我觉得ok嘅。”被问到有否投资时，她表示自己是一个“保守人士”，理财观念务实，不会胡乱花费，所以没有特别把钱拿去投资：“我对于投资方面又唔系真系好叻，觉得不如就实际啲，将啲钱放喺自己身上，增值自己，当系一个另类嘅投资。”她坦言自己生活简朴，饮食清淡，甚少外出花大钱，但强调“应使则使”。

至于25岁的游嘉欣还是“A0”，她笑指“最近嘅桃花运都几薄弱”，仍未“出pool”。虽然游嘉欣仍然未有恋情，但就觉得随缘：“即系喺我自己角度嚟讲，最紧要嘅都系自己个人嘅发展。（都有男仔追你嘅？）都有嘅。（公司嘅？）唔讲啦！（点样追你？）冇嘅，其实大家都系好平常咁样倾下计，我觉得一段关系又冇话需要好特别进攻或者点嘅。”