吴家乐邓兆尊大赞TVB绿叶杨证桦为人 受尽爱戴：冇私心嘅艺人
撰文： 黄欣华
出版：更新：
现年50岁的TVB绿叶杨证桦，与太太沈可欣瓣数多多，当中杨证桦除了幕前工作，又开设美容绣眉、宝石培育公司，之前又投资荣升保安公司老板，落手落脚担任演唱会保安，相当专业。他私下更不时出手助人，早前他被意外补捉到在元朗目击有位伯伯跌穿个头，一名女士上前帮忙止血，而杨证桦就伸脚畀伯伯挨住。对此，吴家乐邓兆尊大赞杨证桦真系坚中之坚！
吴家乐邓兆尊在YouTube频道《娱乐好好玩》中称与杨证桦份属好友，吴家更指杨证桦为人非常“抵得谂”：“无论系对幕前，对幕后，对大与细都系好人到不得了，啲报道我一啲都唔意外，因为系佢真性情。”而邓兆尊觉得杨证桦“好抵谂”：“我哋出去拍外景，好多道具好多嘢拎，佢都好有修为，帮手拎不在话下，有老人家出到去佢都会畀张凳俾老人家坐，呢个男仔好好。”
吴家乐又爆料杨证桦人脉好广：“我哋拍一部剧集讲飞机，当时佢识航空公司，可以安排我哋去停机坪上架飞机度拍，拍咗一日，当时要开个大型记招去交代呢件事。成件事唔好以为系电视台或者航空公司安排，其实系杨证桦一个人去联络返嚟，好犀利，幕后九成九嘅人都好钟意佢哋两公婆，因为佢哋系一对完全冇私心嘅艺人。”