东张西望｜楼梯底钟表舖变天？ 周润发旅发局宣传片都系呢度取景
“利成表行”近日闹出土地纷争，有大厦事主表示，“利成表行”已有10年没有开张，有大厦事主何小姐接受《东张西望》访问指“表二代”吴家强（John）霸地等赔偿。“俾你喺度做嘢，霸咗呢度，你想霸到几时？你都冇做成10年，突然之间摆啲表落去，话申请保育，系咪傻㗎佢？”李先生：“有人要嚟拆，佢又搲烂脚，要人赔补钱先肯走。”
吴家强接受访问时，表示该修理表舖为其父吴拾师傅于60年代，向隔篱店舖购买业权后间出的舖头。他无奈地表示，早年收到屋宇署清拆令，经传媒广泛报道后一直相安无事了10年，直至最近，他及整座大厦业主又收到屋宇署的信件，指其店舖违反消防条例，需要加装防火墙。
该店舖曾为剧集《杀手》的拍摄场地，吴家强也以表舖老板“粉墨登场”，同时表舖也是早年旅发局宣传片中其中一个场地，周润发发哥也曾在该店拍摄。吴家强受访时，表示自己由楼梯底和爸爸学识修理钟表手艺，直言“楼梯底”就是他的根：“我而家为咗一个以博物馆形式，一个情怀形式，见证香港钟表业嘅发展史。”
有业主投诉，直斥吴家强“霸地”，吴家强也回应，指其父多年前在生时，就已从隔壁店舖买下业权。“点可以讲‘霸’？呢度入伙时间系1957年，我爸爸1959年就喺度。”他也向《东张西望》展示图则，指出楼梯底钟表舖原归旁边的2A店舖：“我爸爸当年系同隔离业主买。我再重申，呢度已经卖咗俾现任业主，已经间开咗，呢度系你嘅，以后唔会有人搞你。拾叔你放心啦。呢个系我由细到大知道，但系𠮶阵时边度有合约啫，只系口头承诺，但系个契有冇入则屋宇署，我就唔清楚。”
他又说：“唔开舖就唔代表唔做生意？我觉得呢度仲有个保育价值同埋传承价值，如果要成幢业主负责，我喺度同各位业主讲句对唔住，系因为我令到你哋好烦恼。我大胆啲喺度讲，责任我一力承担。你哋罚几多，我赔返晒俾你哋。”
《东张西望》又表示，其实“表二代”吴家强原来“不是nobody而是somebody”，凭修理钟表手艺加入国际著名钟表品牌：“我系负责全亚洲培训嘅教授，我系首席华人教授，教佢哋整表，管理成个修理部点样运作？我嘅技术喺呢个真真正正污糟邋遢，冬冷夏热嘅地方学到。去所有展览馆，啲老师识我嘅原因。Master John，就系喺香港出嚟。我就系喺楼梯底出身，我叫楼梯强。你要我条命，我可以换到畀你，因为呢个系我嘅根，我冇咗呢度，我冇今日。”