林秀怡餐厅生意受寒冬期打击　靠积蓄苦撑庆幸疫情前未有开分店

林秀怡昨日（12日）出席全新旅游节目《盲盒铁路游》记者会，她在接受《香港01》访问时透露制作团队为求效果逼真，事前完全保密目的地：“系都有啲惊喜我觉得！同埋我冇谂过公司系会有啲咁真人骚嘅真人骚啰，因为通常都以为做假，我初头都以为，谂住一定会话畀我哋知呀，呃下大家咁样，点知原来今次系嚟真嘅，吓死我！”

林秀怡觉得今次的旅程打破了她对内地饮食文化的既有印象，她指：“以前喺香港讲起辣，一定会谂起重庆，但去到先发现，原来重庆系著重‘麻’，而长沙先系真正嘅‘辣’，可以话系一路误会咗！”她直言拍摄去到中段时更对辣一度“食到惊”，甚至吃到肚痛，但返港后反而开始想念那种味道。

林秀怡本身有开设自家餐厅，但面对各行各业都处于寒冬期，她坦言生意“一定比以前差”，要靠过往的积蓄苦苦支撑。面对经营困难，她表示不想浪费多年来的心血，所以仍在努力坚持：“我哋始终系小店生意，你话有冇大赚钱就一定冇。”林秀怡为了留住食客，不断推出新款菜式，同时坚持手作水准，希望以诚意打动顾客：“咁希望大家好快挨过呢个时间，然之后好快可以进入一个新的明天。”

林秀怡透露生意虽然没有增加，但食材、舖租等成本样样加价，令经营百上加斤。而租金方面，她指：“我哋又的确系冇特别去可能同业主讲话可唔可以减租呀咁样，因为佢畀我哋嘅加幅其实系每年好正常嘅加幅嚟嘅。”餐厅亦将人手由高峰期的五、六人，缩减至三个人。但其实在疫情前，林秀怡是有想过扩充生意开分店的，甚至已四出睇舖，但计划最终未有实行，今时今日她反而感恩当时的决定：“如果我哋疫情之前突然之间开咗间分店，咁其实就会再伤多几钱重啦，咁都系啦，都感恩𠮶下冇，冇去到𠮶步。”她期盼经济尽快复苏，让所有小店都能走出困境，迎来新的明天。

开业已经多年，林秀怡指“我哋系冇赚冇蚀”，更直指餐厅“头𠮶几年赚咗嘅钱我哋就冚返落去啦已经，咁我哋而家当系重新嚟过，慢慢一切从头开始。”