吴家乐绘形绘声爆同孟瑶拍床上戏拍到“断”　邓兆尊：佢好搏

【吴家乐/邓兆尊/游飚/孟瑶/白云/TVB艺训班茄轮堂/床上戏】前TVB绿叶游飚在1989年投考第3期艺员进修班入行，至今拍过逾百部剧集，因多次演出黑社会又或者强奸犯角色，被封为“御用烂仔”兼御“御用强奸犯”。早前他上节目讲谈演艺生涯，当中就大爆当年读艺训班时有一堂专教接吻戏，更绘影绘声说得十分兴奋。

早前，这一段访问内容就被吴家乐和邓兆尊主持的YouTube频道《娱乐好好玩》做主题。吴家乐和邓兆尊深感好奇，表示自己从未听过有“茄轮堂”，直言入行后的接吻戏份都是靠自身经验，向别人请教和现学现做。吴家乐分享当年艺训班教授的内容：“唱歌，主持，面对镜头，有一啲空间想像，唔系净系教做戏。”邓兆尊补充：“有人以为读晒啲对白就系做戏，但系唔系，上堂就系教呢啲（空间想像）。”吴家乐又说：“仲有啲形象化，有啲演艺老师嚟教，例如叫我哋瞓喺地下，做旧石。”

说回“正题”，邓兆尊就表示不可能有“茄轮堂”：“你话13，14个女星，边个出嚟‘濑嘢’先得㗎。”吴家乐又说：“佢（游飚）讲咗个重点出嚟，7男14女，边有训练班有廿几人？就算有，都唔会7男14女咁（唔平均），如果有就发达啦！”他又笑言：“大家睇返游飚个样，就算唔系拍茄轮戏，个样都成个强奸犯咁。”邓兆尊：“人冇嘢嘅，非常之好！”吴家乐又十分坦白，说：“飚哥，得罪啲讲句，呢个样其实真系非常之猥琐，个样猥琐嘅人在嘟起个嘴，梗系成个强奸犯咁啦！”两人更whatsapp向当年监制刘家豪求证，答案是？当然是没有。监制刘家豪回复说：“有粉丝问过我，我斗零印象都冇，所以我觉得游飚先生应该记错咗导师。”

YouTube当中，吴家乐又讲到自己拍摄亲密戏的辛酸。他坦言，拍亲密戏首先要与对手女演员沟通好动作，又要做足“安全措施”，在重要位置黐满胶纸，但因为拍摄时会流汗等因素，令位置十分不适。除此，如果黐得太密，搣胶纸时又会形同脱毛一样，非常多要顾及的地方。“呢啲戏，死你好多细胞！”

吴家乐分享自身经验，表示曾与孟瑶拍摄亲密戏，过程没这么多需要顾及的事，但就差点拍到“脚断”。他说：“我试过有啲好玩得嘅，有着衫嘅，讲句好开心。入到酒店房，我就坐喺床上面，佢一嚟就⋯⋯（坐上嚟）。”吴家乐说得绘形绘声，但表情痛苦。他续说当时的对话：“其实演戏嘅啫，你唔好成个人瞓晒落去，脚会断嘅。𠮶个系边个呢？孟瑶。我话，其实你揾只脚借一借力跪上嚟就得。”邓兆尊：“哦，孟瑶，佢系好搏嘅。”

记者翻查吴家乐和孟瑶的演出纪录，并无发现吴家乐和孟瑶两人有过床上戏份，不过，就发现吴家乐曾经和白云在《逆天奇案》拍摄过一场床上戏。当时白云更“骑”在吴家乐腿上激情接吻。

《香港01》向吴家乐，他回复表示，其实是记性差讲错名。“都有人update返我，唔系孟瑶，系白云。所以我星期一喺节目度都要讲返声，唔好意思。都系我记性差，争啲误会咗孟瑶。”