72岁老戏骨爆大台拍剧唔准加助语词　被欺负哑忍：唔恰老嘢恰边个

72岁卢宛茵和69岁吴浣仪于1973年在无线（TVB）剧《朱门怨》分别饰演二少奶和三少奶而走红，距今逾半世纪，二人日前接受杨绍鸿的YouTube节目访问，大谈时代变迁，令她们感慨良多。

卢宛茵叹：“揾食艰难啦！”

卢宛茵是少数仍留在TVB拍剧的老戏骨，透露自己刚完成一部剧集，但直认现在要找好剧本、好导演有难度，已是自由身的吴浣仪在旁补充一句：“天荒夜谈”，卢宛茵续说：“揾食艰难啦！又受气又盛！”

当年拍《季节》各演员感情好

卢宛茵回忆当年拍处境剧《季节》时的开心情景，“大碧姐”邓碧云经常会设一围台叫大家吃饭，现在氛围已不一样，她说：“同事收工田鸡过河，依家冇呢支笛唱，就算放饭上canteen都各有各食”。吴浣仪指自己在外面拍剧，老演员却甚受尊重，说：“我哋成班老嘢讲到口沫横飞，佢哋都好乖坐喺度。”卢宛茵一脸不屑说：“咁我个大台嘛，佢哋（后生演员）又唔系点驳你，但我哋都系想个戏好啫，讲少少...啲语气好似‘吖唔系呀，系咁㗎，咩咩咩’一连串讲嘢，我话‘得得得’，变咗我唔讲嘢，费事讲，做乜塞钱落佢袋啫，佢都领略唔到。”

被弹戏out唔驳嘴

卢宛茵是“红裤仔”出身，曾跟戏剧大师钟景辉学演戏，初入行已学懂要尊敬前辈演员，感慨现在新人“诈望你唔到”。卢宛茵更爆自己曾被导演嫌“啲戏out晒”，杨绍鸿指她被导演欺负也不出声，卢宛茵说：“我人缘好好，我想百忍成金，但有时忍成个礼拜终于忍唔到，得寸进尺，恰得就恰，我心谂冇理由揾我个老嘢恰，谂谂吓又系㖞，佢唔揾我呢啲老嘢恰，唔恰你恰边个？唔通恰当扎当起当红𠮶啲呀。”

不能擅自加减助语词

杨绍鸿续指卢宛茵试过想在对白加上助语词，结果被人寸，吴浣仪表示略有所闻，卢宛茵即场示范原本一句平淡对白：“卖咗执咗笠咩？”经由她演译后变得好生鬼：“吓，点解会执咗笠㗎？咁多钱！”但就被导演要求不准乱改对白，卢宛茵说：“会唔会广东话要配返国语冇呢啲呢？不过算啦，是但，揾食艰难，话乜就乜。”