关智斌赞张致恒黑雨搬雪柜有担当　回应BOYZ合体开骚可能性

关智斌（Kenny）近日忙于准备演唱会，但今日就抽空出席品牌活动，早前在户外Show大Show一身爆肌的他，受访时被问演唱会是否会除衫，他坦言已当是标准配置，会融合于表演呈现，希望能有不一样的效果。而早前他于健身房巧遇Tyson Yoshi，被问起此事他自谦：“我同佢真系唔系同一个Level，佢系胸神嚟，太劲。我哋咁啱喺附近住，所以喺健身房撞到，之后有一齐操吓。我有唔小心笃吓佢，都好澎湃！又有啲坚硬得嚟又有弹性。”但他无意以Tyson Yoshi为目标，觉得如果将自己个样拼落Tyson Yoshi的身材都不合衬，因自己不够刚强。

BOYZ前队友张致恒（Steven）近日为养家转行做搬运工，更被影到在黑色暴雨下冒雨搬重型雪柜，Kenny认为是好事，并说：“系好有担当、好有交带嘅一件事，我觉得每个人都系，为咗自己嘅事去负责任。”他透露间中有跟对方联络，但仅限于过时过节讲生日快乐、恭喜发财之类，对于将来会否有机会再合体开演唱会，Kenny未有落闸，但就说：“我觉得我哋要等到一个啱嘅时机，等大家都同频率，ready嘅时候就可以做呢件事。（点为之同频率？）到同频率嘅时候自然会知，只要信不要问。”