罗金荣获黄子华现身力撑　曾遇镪水狂徒恐吓收陀地：每日2百蚊

《中年好声音》罗金荣今日（16/9）于尖沙咀举行“罗金荣•第1次自己话是演唱会2025”记者招待会，获好友黄子华现身支持。台上黄子华分享与罗金满相识过程，当中提及过他08年时在旺角街头唱歌揾钱辛酸，除遇上恐吓收陀地外，并遇上镪水狂徒导致多人受伤，事件令他一世难忘。

罗金荣接受《香港01》访问时表示：“其实佢抌镪水𠮶个位置，正正就系我摆档唱歌嘅位置，𠮶个位我已经唱咗半年，记得当日抌强水时间系6点几，而我平时会系7点15分开工，就系咁我就避过咗。其实我曾有怀疑过呢件事系针对我而嚟，因为𠮶阵时我成日都俾人投诉话我扰民，同埋𠮶阵有个阿叔恐吓我，要我每日补贴2百蚊畀佢，佢话我令佢揾少咗钱，因为佢啲人当时都系摆街唱歌，咁我唯有畀佢啰。记得掟完第一次之后，跟住我走位继续摆档唱歌，心谂死就死啦。”

罗金荣指出大半年后再没有在原扯再摆档唱歌：“因为成条街好多人都喺度唱，加上啲人嘅音响器材好劲，而我只有一个喇叭仔，根本唔够佢哋大声，变咗唱唱吓都系唔唱。（当时警方有否问话？）都有问我见唔见到有可疑人出现过，但我就话因为太多人行，谂唔起边啲人系可疑。（每日赚到几多钱？）讲真最好收入系千几蚊。（唱几多个钟？）唱两个钟咁上下，记得早期系日日唱，后期就喺5、6日嘅时候唱。扣埋陀地2百蚊都算Ok，当时我系靠街头唱歌维持生活。”

被问到单靠唱歌维持生活会否感到困难 ？罗金荣表示：“唉⋯呢个就系我头先所讲嘅辛酸之一，呢话只靠唱歌维生就梗系唔得，𠮶阵时都有做其他散工，但𠮶阵时喺唱片业我已经冇做，因为唱片𠮶阵时都唔系咁好景，加上我系属于90年代嘅至2千头，之后已经有好多新人，变咗我哋呢啲叫做过咗时。”