冯允谦、云浩影驾面包车游走busking拍广告　二人街头合唱引围观

冯允谦、云浩影驾面包车游走busking拍新广告！“仙气女神”云浩影（Cloud）冧庄再为面包担任代言，而且今次“嘉顿面包蛋糕系列”与师兄“唱作王子”冯允谦（Jay）一齐唱主题曲和拍广告。他们开著红色格仔面包车，游走香港街道，最后停泊在湾仔海傍，Jay弹结他与Cloud弹琴合唱广告歌，吸引途人围观，就好似busking，非常开心。

Cloud指住Jay的格仔款领巾问：“睇到呢个格仔，可唔可以估到我哋拍咩广告呢？哈哈，今次首广告歌有新版本，系加长版，我哋就好似拍MV，最有feel系好似busking，有一大班观众。”Jay说：“我觉得好好玩，因为我哋好钟意唱歌，今日就好似做返平时嘅自己，对住观众唱歌，开开心心，我觉得好正！”

Cloud扬言是绿色格仔口味的fans，她说：“之前我出story话买唔到呢款之后，每逢有人买到呢款，或者买嘉顿面包都会tag我。客户好好，送咗一大篮面包畀我，我有同朋友和同事分享，我食唔晒！我钟意食烘面包加Ham & Cheese（火腿芝士）。”

Jay同意，说：“之前开骚跟营养师餐单，可以食橙色格仔包装嘅麦包，我有时都会加Ham & Cheese，但通常我会净食，仲可以食5块。”

如果要为Cloud设计一款三文治，Jay立即营养师上身，说：“知佢贪靓又钟意keep fit，我会放多啲蛋白质，尤其是开骚前会食好多鸡胸肉，我想做鸡肉三文治畀Cloud。”她点点头表示满意。

相反，她为Jay设计的三文治却遭对方抗议，她说：“我会用Bafala Cheese同埋番茄做三文治畀Jay。”Jay问：“吓，无肉㗎？我最钟意食肉㖞！”Cloud坚持：“唔得，无得加，你试吓先，好好食㗎！”Jay笑说：“原来Cloud系一个咁样嘅女朋友！”