郑嘉颖被吴家乐指婚后行为巨变　陈凯琳直言冇变化：佢好忠于自己

港姐冠军陈凯琳（Grace）今日（18/9）出席服装店开幕活动。活动后她接受《香港01》访问，谈及近况及小朋友升读小学后的趣事。早前吴家乐在《娱乐好好玩》中提及郑嘉颖与陈凯琳结婚后性格改变了不少，指陈凯琳令到个性较“Cool”的郑嘉颖愿意拍风格活泼的影片，大赞陈凯琳好犀利。今日访问中，陈凯琳亦有回应。

陈凯琳表示，早前出埠工作，但因为离开小朋友身边而感到内疚。“挂住多，出trip前佢哋会问我去几多日，可唔可以话定畀我知。之前可能会话几日，唔会好确实，而家就会同佢讲两个半日，星期二朝早5点返到嚟，你返学妈妈就车到你。（升上小学所以识计数？）系呀，同埋而家人大咗，佢会识表达自己感受。（挂住妈妈定爸爸多啲？）佢好聪明，知道边个唔喺度就挂住边个多啲。”

陈凯琳又表示，小朋友升上小学后，会投放更多时间陪伴他。“我哋希望可以喺佢身边同佢一齐做功课，因为想佢感受到爹哋妈咪都有参与。”她表示，做功课不只是陪伴，更是培养小朋友的自信心和增进亲子关系的好机会。问到郑嘉颖是否有陪做功课，陈凯琳直认有，她说：“有呀，中文就交畀佢啦。（有冇耐性？）有，自己个仔嚟㖞，一定有。”

她直言，如果认识郑嘉颖的话，就会知道他是一个十分喜欢小朋友的人。“我哋结婚前，佢系第一个话：‘我哋会有小朋友㗎呵？’所以佢对三个仔嘅爱，我真系感受到。佢好自然就会有呢个耐性去做呢样嘢。（婚前婚后性格有分别？）系咪因为家乐嘅访问？如果你问我，我觉得特点系，佢不嬲系好统一嘅一种人，大家感受，佢唔会因为你话佢系点样，或者有乜变化，而去成个人改变。我觉得佢好忠于自己，所以我系好尊重佢呢一样嘢。有啲人见到我哋一齐之后觉得有改变，呢个系佢哋感受，但系我知道我老公，如果佢肯同我拍片同埋对我好，其实佢day one已经系咁。”