许廷铿大爆郑欣宜最新健康状况 ：希望佢快啲健康出嚟同我打波

许廷铿今日（19/9）现身尖沙咀出席品牌活动。提到好友郑欣宜最新状况，许廷铿接受《香港01》访问时表示：“其实又唔系好耐冇见佢，就唔系日计，系月计𠮶种，好多时都系麻雀台上度见嘅，都算系运动嚟，就只不过系手部运动。记得之前有一段时间佢成日都带我走围走，会带我行山，其实都几健康㗎。咁我当然想佢身体健康啦，我都希望佢快啲身体健健康康咁可以出嚟同我打波。”

许廷铿续说：“其实我听到佢把声个状态仍然系Ok同开朗，希望到佢Ok嘅时候，就会同大家讲，又或者到时同佢打波嘅时候同大家见面。（知唔知佢几时会复出？）其实我哋好少倾工作。”

被问到郑欣宜是否挂住拍拖？许廷铿表示：“其实我又唔系好知，不过就算系拍拖都好正常，以我所知佢系筹备紧一啲嘅工作。（你有冇筹备紧婚礼？）我呢啲岁数唔好搞呢啲嘢啦，咁所以冇婚礼要公布。”