罗浩楷扮吕奇获赞 李奇角色由罗嘉良顶上：我得好笑唔卖钱丨专访
罗浩楷年轻时生得高大俊朗，加上伶牙俐齿，在妈妈陪同下，16岁考入国泰电影公司成为第一期艺员训练班学生，正式展开银色旅途。由于当年国语片盛行，只懂广东话的罗浩楷起初发展一般，之后加入丽的电视（即亚洲电视前身），几乎一星期七天都会出镜，但有一点令他非走不可，“最遗憾系拍咗一部剧叫《一家六口》，六个女同事拍我一个男同事，星期六都冇人睇啊？都唔知呀？陈美琪、黄淑仪、黎芍芍、陈复生...，𠮶啲都配你（我）唔起呀？拜拜啦咁！”
相关文章：罗浩楷隐瞒患柏金逊症手震 唔记得对白被闹：对唔住我有病
相关文章：罗浩楷曾任TVB音乐导师 80年代安排艺人登台：揾鱼翅捞饭
与卢海鹏、廖启智斗扮鬼扮马
楷哥人缘好，经“麻雀脚”周梁淑仪推荐下，获导演朱克引荐加入TVB，演出《民间传奇》、《书剑恩仇录》等剧集，他苦笑谓：“𠮶时开始有少少人识，行出街有人话‘咦，呢个明星嚟㗎㖞！’哗，几鬼丑啊，明星都噏唔到我个名。”
直至加入TVB长寿综艺节目《欢乐今宵》（《EYT》），扮鬼扮马演不同趣剧，让他能真正发光发亮。楷哥形容自己是“遇强越强”的人，即使跟卢海鹏、廖启智、吴孟达等一班“坏孩子”合作亦无难度，更擦出不少爆笑火花。
扮吕奇成为经典
“无耻嘅飞仔，社会嘅人渣，吸血鬼，垃圾，钱你钟意吖嘛，我有，不过我唔畀你”这句经典的对白，正是罗浩楷自已创作出来的“吕奇腔”，但原来当初这个角色并没有人看好。“ETY流行扮嘢比赛，好难嘅角色我哋食，人哋唔肯做丢剧本𠮶啲下栏嘢就队畀我做，因为我同导演老友，唔通睇住佢死咩”。他举例“羊嫂”（扮洪金梅）额头贴一粒墨，造型上已够煞食，而他与卢大伟却被安排跳影子舞，依足对方动作，令他苦不堪言。
拍风月片露臀部感尴尬
不过，楷哥扮“吕奇”扮到出神入化，连本尊亦对他刮目相看，向他招手演出多部风月片，楷哥更曾为此为艺术牺牲，“尺度好高㗎，又要除裤除衫露pat pat，我捞电视唔系电影呀，叫人唔着裤揾朵花遮住最重要部位，哈哈，开头我都尴尬”，但为怕错失机会，楷哥最终仍是一一接受。
卖笑不卖钱 电视主角由罗嘉良顶上
无线剧集《难兄难弟》，罗嘉良以罗浩楷扮演的“吕奇”作为蓝本饰演“李奇”，再加入一些小动作，令角色更加生鬼。剧中楷哥亦有参与其中一个角色，饰演电影公司老板，但主角不是自己，难免有点失望，“当然唔会怪公司（TVB），公司有权将我哋角色分畀人，咁无理由分畀罗浩楷唔分畀罗嘉良，罗嘉良卖钱，我得好笑，卖笑呀，卖笑唔同卖钱”。
演凌公公太娇俏惹人妒忌
扮嘢以外，楷哥另一专长是扮女人，当中在《皆大欢喜》饰演太监凌公公。为求演好角色，楷哥不惜提早一小时返公司化妆间化妆，并加入红丝带、珠仔等饰物，令角色更娇俏亮眼，怎料竟招惹人妒忌。“当时我扮到好靓，点知就闯祸，原来某种关系，可以左右到个剧本唔出嚟。我讲错咗一句说话：‘今日我靓唔靓呀？我靓过晒你哋班女人，超’死嘞，点知惹人妒忌，诸多打压，俾人话完，剧本即刻改咗我冇化妆。咁我又嬲嘞，我成块面化到白色，返去斋讲。”
不过，楷哥仍是满意自己的演出，尤其追求林文龙的调情戏，演活女性的娇媚，“我觉得自己做得好精彩！专系啲呃女人，偷呃拐骗、食软饭，飞仔之流同奸角，我都系比较拿手嘅。”