罗浩楷曾任TVB音乐导师 80年代安排艺人登台：揾鱼翅捞饭丨专访
撰文： 程岚风
出版：更新：
罗浩楷患上柏金逊症近十年，身体大不如前，不能久坐，说话太耐会气喘。不过，无损楷哥对音乐的热爱，家中一角尤如小型音乐室，有电子琴、电子结他、木结他、耳机之外，还有卡拉OK可以随时随地唱歌。
相关文章：罗浩楷隐瞒患柏金逊症手震 唔记得对白被闹：对唔住我有病 相关文章：罗浩楷扮吕奇获赞 李奇角色由罗嘉良顶上：我得好笑唔卖钱
唱《李香兰》带沧桑感
接受《香港01》访问当天，楷哥即场演绎张学友的《李香兰》及蔡国权的《不装饰你的梦》，楷哥患病后肺功能变弱，虽然气量不足、声线略带沙哑，但沧桑感却另有一番味道，楷哥坦言在家中自弹自唱有时都会感触落泪。
而曾任职TVB音乐导师的楷哥，学弹琴原来都有段故事，他说：“我比较钟意音乐，就去学弹琴，但学极都学唔识，突然遇到一个朋友弹咗首《朋友》，佢话学咗一个月，我问点解弹得咁好，我学几年都唔识”。楷哥形容自己跟一位琴师学习“邪门技术”，只用上几个Chord（和弦）便能将乐谱弄得出神入化，“佢话你系学得好快， 但你成就好微弱，我话求揾到食就得嘞！”
风光时候鱼翅捞饭
在1980至1990年代，楷哥曾为夜总会乐队领班，又帮8至10间酒廊做顾问，帮忙安排艺人歌星登台，他感激当年李香琴、谭炳文、关菊英等“畀面”，愿以低价酬劳接骚，令场场爆满。他强调没有收取佣金，解释：“大家都唱得咁辛苦，你仲畀10%我？我一星期安排自己上台唱一趟已经有啦，啲钱已经好难消耗，差唔多冇时间使钱。”
除客串登台，楷哥更身兼琴手，每月日场赚过万元，夜场又赚两万元，好不风光。他说：“真系揾到食，我起码揸架Fairlady吖，但食晚饭得15分钟，我仲俾门口管理员话我，‘你有冇搞错咁折堕呀，揾鱼翅捞饭、黑鸭髀，成二百几蚊！’我话‘你儍呀，你知唔知我几点起身喺度做嘢呀？做到依家得呢一餐咋，阴公！’我仲畀多十蚊佢做贴士呀！”