张佳添关心“膊头之交”甄采浠病况　懒理邓兆尊批评：日日咁开心

现年54岁的音乐才子张佳添早前被踢爆与黄宗泽旧爱甄采浠（前名：甄咏珊）行街拍拖，二人旁若无人当街搭肩揽腰相当亲密，相差12年的恋情成为城中热话。事件曝光后，张佳添向外宣称与甄釆浠只是“膊头之交”，并不是男女朋友关系，事件引起网上热议。

甄采浠日前突发入院，令身边人十分忧心，住院5日后出院，她表示：“多谢大家关心，觉得人间好有爱。病情方面想保留返少少私隐，另外医生建议中西协作，嚟紧都揾紧适合嘅中医希望对病情有帮助。”她又希望自己身体健康，“始终我只猫都病紧，我都好希望好好Take Care佢同屋企人，身体健康先可以照顾到身边人。”

张佳添今日（20/9）现身电视城出席《中年好声音4》记者会，他说：“其实佢又唔系好严重，而佢都出咗院，身体状况都改善咗，但确实咩病就未知，不过揾返佢本人交代返会好啲。（网民笑指你伤咗佢个心！）呢个好肯定唔关事，大家咁好想像力，我都得啖笑。（入院期间你有冇探佢？）我都有，系去探咗佢一次。”

对于邓兆尊和吴家乐在网台就“膊头之交”开咪寸爆他“冇脚雀仔”，张佳添表示：“其实我有听人讲，但就冇睇，我系有一个原则嘅人，所有YouTuber对本人嘅任何言论，我系唔回应嘅。（识唔识邓兆尊？）我系唔识佢。（佢哋对你评价有冇唔开心？）冇唔开心，我日日都系咁开心，冇嘢系令我唔开心嘅。就算你而家对住我讲粗口，又或者冚我两巴掌，我都唔会唔开心。”