鳄鱼之吻｜Gao初演舞台剧能量获赞　谈善言爆狂改剧本：背都冇用

舞台剧《鳄鱼之吻》记者会今日举行，导演陈焯威、编剧叶念琛、谈善言（阿谈）、沈贞巧（Gao）、袁富华、梁仲恒等齐齐现身，过往叶念琛作品都有“阿宝”出现，谈善言笑言：“我系阿宝，系众多阿宝里面其中一个。”首次参演舞台剧的她说很喜欢今次的理念，“鳄鱼锡紧或者咬紧嘅时候，你分唔清究竟佢系锡紧定咬紧，我觉得呢个Concept都几得意。佢好多Concept都系讲一啲女演员喺呢行里面可能会遇到嘅问题，佢哋人生嘅走向系点样，呢啲我都觉得系我好有兴趣，因为我未真系上过台做过舞台剧，都惊，都紧张，所以揾返一个好似感觉上有共鸣嘅topic，你会觉得系时候，喺呢个机会试一试。”

Gao同样是首演舞台剧，觉得比想像中复杂，每一个部份都由不同人创作，每一步都要大家合作商议出来，让她大开眼界。目前团队处于围读、排位阶段，仍然继续摸索不同对白的可能性，阿谈坦言对白量很多，要顺畅地梳理两小时对白，亦不能像拍戏般斩开一幕一幕拍，或者交几Take给导演挑选，故难度很高。为了精益求精，她更大叹对白不停改：“佢keep住改（对白）呀最紧要系，背咗都冇用！因为好大段，我好惊，咁我背咗啲啦，跟住我去到，话而家改㖞，成段冇咗，我就觉得，我去到边一刻先可以背剧本呢？”

睇之前的预告，《鳄鱼之吻》似乎有关女明星的明争暗斗，Gao说：“其实for我嚟讲我系觉得冇乜嘅。”阿谈则解释：“我觉得系有一种好人性嘅心理状态，你去到某一个位置，你就会好惊跌落嚟，你就会见到好多其他人涌紧上嚟嘅时候，你呢个单位企得够唔够稳，你喺上面摇摇摆摆，望住啲人系咁冲上嚟，抢包山咁样，冲紧过嚟，你好惊冧，好惊跌！同埋可能有好多嘢就会令到你……对于一件事你喜爱嘅事冇办法咁纯粹。（记者：现实生活有冇经历过？）都有，可能会担心观众嘅反应，或者担心自己做得唔好，或者未必达到大家嘅期望，可能系导演，或者所有人啰，所以呢种唔知点算嘅感觉都会有。”

Gao对于演舞台剧亦有担心沮丧，她说在排练过程中，觉得自己很多时候都很单向，“好多时候谂嘢都好单向，呢个人点解会咁样谂嘅？因为佢咁样咁样，可能只系得一个形容词，好似头先咁讲，其他资深啲嘅演员，佢哋会留意得到，譬如个角色背后有啲乜嘢可以再深化佢，或者观众到时睇会唔会明白呢个剧系点样，呢啲对我嚟讲都系令我觉得我系很渺小，但系我都有尽量放胆啲去一齐倾呢件事，因为始终都系一个Team work嘅时候，我都……好啦咁我都参与吓，讲吓我嘅谂法系点样，可能对佢嚟讲系好废，但系我都尽力尝试。”而阿谈就觉得Gao唔废之余，表现更令她惊喜：“喺做workshop嘅时候，你会feel到佢能量入面好强，爆炸力好强，佢系做𠮶个‘点样死’𠮶幕，佢喺度行嚟行去，最尾佢系做一个自杀咁样，你feel到佢入面行得好劲，好沸腾，我自己话‘唔好避开只眼’，因为佢系强嘅，我想缩嘅，我就同自己讲‘唔好输！’”

Gao亦有请教COLLAR其他曾演过舞台剧的队友，包括芯駖、陈泳伽Winka、苏雅琳Ivy等，她说其实就算自己未接舞台剧，知对方排戏时都会互常分享工作心情，自己见证住对方的辛酸和改变，“佢哋学到嘅嘢真系用到喺今时今日其他工作上面，或者喺其他project上面，都系好管用嘅一样嘢，所以系期待。”她说队友只来睇一场已经好满足，不过由于《鳄鱼之吻》与王家晴Candy的舞台剧撞期撞到应一应，所以她们都无缘观赏对方演出。

而柯炜林（Will）月前宣布确诊肺腺癌第四期，问阿谈可有探望对方，她表示：“我哋都系尽量畀空间佢，佢都好忙，要做舞台剧，可能仲忙过我呀我觉得佢，又要排戏，围读好忙。（记者：惊唔惊佢身体应付唔到？）我相信无论佢自己定系佢公司团队，都会好take care佢呢件事，佢哋绝对唔会勉强，一定喺佢能力范围之内去开心做佢做嘅工作。”讲到之前阿谈整亲脚，Will都孭她上楼，问她要如何照顾Will，她笑谓：“我孭返佢啰！可以㗎，冇问题㗎，大家轮住嚟孭啦，唔紧要，互相照顾。”（之前你整亲只脚佢都孭你上楼，咁你俾返咩？佢）我咩返佢啰，可以㗎冇问题㗎大家轮住嚟咩啦唔紧要，互相照顾。”