鳄鱼之吻｜袁富华演千亿富豪　梁仲恒感荣幸《大状王》登施政报告

舞台剧《鳄鱼之吻》记者会今日举行，导演陈焯威、编剧叶念琛、袁富华（Ben哥）、梁仲恒（阿炳）、谈善言（阿谈）、沈贞巧（Gao）等齐齐现身，Ben哥大赞今次组合冇得弹，而自己回归剧场亦觉得非常好玩。今次两位女拍档都是舞台剧初哥，Ben哥对于她们的表现表示：“嗯...好好㖞，我觉得唔似第一次踩台，其实演员𠮶个 core，即系核心呢，系一样嘅，只不过争在系𠮶个平台系点样去适应，所以佢感情呀，support完全冇问题㗎，我觉得系争在佢哋揾一个方法，点样将里面嘅感觉呈现出嚟啰。”

今次Ben哥将饰演一位千亿富豪，他闻言即幽默纠正：“唔系千亿富豪，系‘过’千亿呀！”他又说：“有冇野捞呀？我其实好想再揾多啲心灵上面嘅富足，咁样先至能够去呈现呢个千亿富豪。”被问身边有冇过千亿富豪，Ben哥说睇新闻才见得到，但都有些有几亿身家的朋友，其实私底下也不如想像般离地，对于要如何入戏，Ben哥谓：“我唔会喺外在𠮶度投入，反而喺内在嘅投入啰，呢轮都多咗谂啰，有好多时自己好钟意喺个露台度望下出面，跟住就幻想下自己，啊，我企到咁高嘅时候系点样？因为住30几楼嘅时候真系好高，咁去到咁高嘅时候佢系点样，即系其实喺内在做功夫多啲啰，系咪？实际上你又唔会真系有咁嘅胆量去...使阿老婆做妹仔嘅，你想我死咩？所以喺内在做功夫啦！”不过他仍希望透过服装及其他元素，在有限时间内精准呈现出贵气。

Ben哥又望住阿炳说：“我而家就揾紧呢个平衡，将来你做千亿富豪嘅时候呢……”阿炳：“我已经系啦！”但后来又改口，问到他距离千亿富豪还差多远，他说：“其实争好少咋嘛，就系争𠮶‘亿’字嘛，而家净系得‘千’！”早前刚在音乐剧《大状王》演完清装的方唐镜，今次他摇身一变成力争上游的“擦鞋仔”，他相信很快就能投入角色，《鳄鱼之吻》预告中更有句充满张力的对白说：“喺有钱人身边做狗，都好过喺穷鬼身边做人”，他卖关子：“所以大家入场睇下，就知道究竟呢个对白对于呢个角色嚟讲嘅意义系咩啰。”被问剧中的机会主义者与自己是否相似，他就觉得还好：“我觉得我就冇佢咁chur啰，我就比较顺其自然啲啰。”

《大状王》在内地和香港好评如潮，阿炳成功俘虏了大批剧迷，讲到会否因此对《鳄鱼之吻》销情更有信心，他表示：“嗱首先销情，我自己就唔知嘅其实，因为唔系我负责卖飞𠮶啲嘢嘛，但系我都有睇到有睇咗《大状王》嘅观众，话会因为睇咗《大状王》，所以就想去买《鳄鱼之吻》啰，咁所以我都好多谢佢哋嘅支持啦！”日前行政长官李家超在《施政报告》中，也点名提及《大状王》，指正计划进行更多内地巡演，将它发展成经典长演音乐剧，阿炳受宠若惊：“系，我见到！我觉得好犀利呀，居然自己做过嘅戏嘅名可以入到《施政报告》，系啰，睇下大家会点安排啰，我都唔肯定。（会唔会去海外巡演？）唔知㖞，呢个就要睇主办方，即系香港话剧团同西九佢哋点样安排。”

此外，早前资深舞台剧编剧庄梅岩月初发文讲述疑被封杀经历，并提及由她编写的舞台剧《我们最快乐》被煞停，不过日前她再收到通知，指《我们最快乐》再获得绿灯，会尽快重启预售。阿炳在《我们最快乐》2023年公演时是主角主一，被问有否留意消息，他坦言：“有留意呀，有留意呀。(记者：有冇觉得好可惜？因为延期咗。）但而家都未有定案啦，最新消息好似话都如期举行㗎嘛，咁好啰，系呀，咁大家有得睇show啦，咁好好呀！”