伍咏薇拍片展示好皮肤靓身材　自爆冻龄秘诀摆好心态坚持做这些事

伍咏薇（伍姑娘）日前她到葵涌拍摄代言产品宣传片及硬照，为了缩短团队的拍摄时间，伍姑娘连踩十小时工作，不少镜头更一take过完成，表现专业：“我哋呢啲前辈级，拍剧、拍戏踩十个钟系起码嘅，所以冇问题，哈哈。”

多年来，伍姑娘无论外貌还是身型都保持最佳状态，她直言最重要是心态：“我谂每个人都会话，要饮食均衡、健康，但系我觉得出发点系心态，你嘅态度要有喺度，系正嘅，先会去做。好似今日嚟拍广告，你开心，呢十个钟就好快过。”既可以开怀大笑又可以高贵，同时又懂得享受人生，问伍姑娘可认为自己是人生胜利组？她笑谓：“如果话失败，我唔觉得系Loser，但系我又唔觉得自己系Winner，喺中间我觉得自己系享受嘅，有时输下又好开心，有时赢吓又唔好太尽，我永远会留啲空间畀自己，上得太高，我怕自己翻唔到转头，我真系咁嘅人嚟。”

伍姑娘坦言自己亦有钻牛角尖的时候：“我都会放负㗎，咁我会选择喺屋企打个坐，去呼吸。我成日都讲，个天安排咗好多功课，每个人都有功课做，我都有功课做紧，唔使死嘅，船到桥头自然直，加油，谂吓办法。”

至于近年愈多愈多人选购营养补充品，伍姑娘说：“我细个𠮶阵乜都唔理，青春燃烧紧嘛，到30岁开始，我先接触营养补充品。好多人以为食少一粒唔紧要，其实系紧要㗎，要坚持！洗面刷牙日日都要做，你会唔会觉得今日唔洗面刷牙？唔会㗎嘛，例如你唔够瞓，搞到自己状态唔好，你系对付紧你自己，所以食返啲补充品帮自己，身体会多谢你。”她指现时有很多选择，自己会从成份着手，精挑细选，其中马百良六宝灵芝令她更有活力：“我真系有食㗎，皮肤同心情都愈嚟愈好！”

入行多年的伍姑娘，还有甚么目标？她指每个阶段有不同尝试：“我好享受做啲同自己性格唔同嘅人，我有时间就去睇戏、睇书，出街𠮶阵望吓人，喺人哋度‘偷嘢’，拍戏𠮶阵随时攞嚟用。”YT大哥（周殷廷）、Tyson Yoshi、陈蕾、Gin Lee、张敬轩及Dear Jane等都是她平日有留意的：“我好多元化㗎，咩歌都会听，仲有伍咏薇啰！虽然我冇Gin Lee咁劲，但系我有我风格，其实我都几钟意唱歌。几年前已经有人邀请我搞Mini Concert，我觉得需要一个时机，同埋主题好紧要，我为咩搞呢个音乐会呢？我会思考吓，但系又唔好思考太耐，再等就89岁啦，我都想可以快啲发生。”

除了坚持服用营养补充品，伍姑娘同样紧持工作与休息要平衡，她习惯一轮工作过后，便安排自己去旅行小休充电：“好似啲小贩咁，卖完嘢都要入货，所以我都要去攞啲靓货返嚟，我唔系𠮶啲做十年嘢再唞十年嘅人，呢个世界随时唔知发生咩事，我要活在当下。”她坦言每个人都希望健康地长寿，但最重要的享受每个时刻：“几长寿就交畀佢（上天）。我活到中女呢个年纪，你畀我回望，我觉得系笑嘅。你试吓拧转面望，你畀自己系咩反应，你就知道过去嘅生活带畀你乜嘢，我希望每日睇返都系笑嘅。所以，最后一个分享就系，我哋好简单，就系人唔使好复杂，每日做啲微笑嘅行动，好吗？”