“美女玄学家”乐翊榆首次献唱　与谢雪心“同台”感荣幸：学到嘢

HOY TV饮食竞技节目《领厨争霸战》举行得如火如荼，伍富桥的亿万太太Shirley（梁兆楹）更成为节目焦点。早前YouTube上亦播出《领厨争霸战》明星示范赛，当中有李尚正、朱智贤、陈思圻、谭嘉仪、乐翊榆大战卢颂恩、梁凯晴、利颖怡、马田、游莨维。睇见众多“TVB旧将”齐聚一堂，有网民更留言：“我想讲，其实系咪睇紧TVB。”实在有趣。

撇除一众“TVB旧将”，其实也有令人熟悉的脸孔。有“美女玄学家”之称的乐翊榆（Annalise）近日曝光率大增，曾任TVB《冲游泰国》嘉宾主持的她，除任：《领厨争霸战》明星嘉宾之外，亦主持过《深圳地图 1&2》、《一人一个美味故事》、《开运秘笈》及《好好生活在湾区》。

早前她亦参加了《乐迎国庆音乐会》，在台上演唱，同场还有谢雪心，可谓“瓣数多多”。她接受《香港01》访问时，坦言是第一次公开演唱，心情既兴奋又紧张。“感觉自己事业，最近有一个新嘅转捩点，好似正式展开咗十年嘅大运。近来除咗主持工作之外，我仲好开心可以透过歌声同大家交流。细细个我都参加过合唱团，所以严格嚟讲，呢一次唔系我第一次上台唱歌。今次拣咗王菲嘅《如愿》，亦都想祝大家喺国庆嘅日子一切如愿。最近受邀请替澳门拍摄宣传片，我心情亦都系开心又荣幸。我已经有六七年未踏足过澳门，发现近年除咗博彩业之外，仲有非常之多丰富精彩嘅文旅去处，实在令人惊喜。”

谈到与谢雪心“同台演唱”，乐翊榆亦回答：“心姐喺我唱完歌之后先到场，所以佢听唔到我唱歌呀。细细个就已经睇佢做戏，但系现场听佢唱Live都系第一次！劲好听呀！佢男声女声都咁唱得，仲识得搞气氛！真系学到好多嘢！”