关智斌冒险之旅爆肌开锣 郑希怡皮链诱惑劲诱惑

一连两场的“关智斌《The Endless Adventure Live in Hong Kong》演唱会”昨晚（26日）于启德体艺馆正式开锣！英皇集团主席杨受成博士同太太陆小曼、霍汶希（Mani）、容祖儿、阿Sa蔡卓妍、阿娇钟欣潼、泳儿（Vincy）、周家怡、邓小巧、吴千语同老公施伯雄、蔡一智、彭秀慧、杨天宇（Angus）、黎展峰（Andy）、黎峻（Kenneth）、乐队Locksmiths开锁佬、Daze In White同The Lemon Ones均到来支持。

Kenny以一身红色闪石的西装，加上一连串劲歌热舞为演唱会打开序幕，音乐一响起，全场观众唔使等encore，自动波企晒起身一齐跳，全场火速变成大型派对现场！跳唱一轮后，Kenny已经汗流浃背，搞笑地说：“我除咗件衫先，因为呢件褛都真系几重，呢套衫系香港一个好著名做演唱会嘅服装之父，Kenneth（陈华国）帮我做，佢帮过好多殿堂级歌手做演唱会嘅服装，我今日呢套就系佢嘅手笔啦！咁系咪都代表我系殿堂级呀？哈哈。”除衫后，台下有女观众已急不及待大叫“剥衫”，Kenny即安抚：“慢慢嚟啦前面呢个姐姐，有你想睇嘅嘢嘅。”万众期待的“爆肌环节”，唱到《Ready To Go》时，Kenny毫不吝啬大晒苦练成果，于街头健身架上做出各种高难度动作，麒麟臂力同腹肌零死角全面展示，这个“视觉盛宴”令全场粉丝血脉沸腾！

唱完几首歌，Kenny跟大家来个深情对话，他指自己出道二十三年，由偶像歌手变成⋯⋯依然是偶像歌手，“唔易㗎，要keep住！今次有机会可以搞到一个自己真真正正属于关智斌嘅演唱会，真系好开心，因为我觉得除咗你哋平时喺唔同媒体认识我，今次我可以用另外一个形式去呈现，究竟关智斌系一个乜嘢嘅人？”他笑言：“我都知我嘅偶像包袱比较重，所以今晚我就谂住一层一层咁样撕开佢、一层一层咁开佢俾你哋睇。”他特别感激容祖儿、阿Sa同阿娇的支持，仲爆咗段古，话有次跟祖儿倾偈，对自己有点质疑，幸好祖儿跟他说：“做自己嘅演唱会，系冇得妥协㗎！呢个系你自己嘅show嚟㗎！你一定要⋯⋯做到你自己想做嘅嘢。”说到这裹，台上的Kenny开始哽咽，而台下的祖儿已经喊到收唔到声，场面感动。

除了自己solo，Kenny又请来久未现身香港舞台的郑希怡（Yumiko）合唱《相对湿度》及《闲人勿近》。这对组合的演出认真不得了，Yumiko拖住戴住皮铁颈链的Kenny在台上爬行，上演一幕幕极尽诱惑的演出，看到台下观众血压飙升。

而相识二十年的薛凯琪（Fiona）亦专程由北京返香港做嘉宾！二人合唱《南昌街王子》及《奇洛李维斯回信》，回忆即刻返晒嚟。二人对话更是笑料不断，当Kenny知道Fiona做完嘉宾当晚即飞走后，Fiona突然搞gag，“我愿意为你周围奔波呀，因为你系关智‘奔’呀，即系你系好忙嘅关智‘奔’呀，奔波呀，哈哈。”这个gag连Kenny都顶不住，要叫全场观众：“大家快啲笑吓，俾啲掌声。”Fiona又自爆话有次跟Kenny食饭倾事业，倾到差点以为Kenny想追求自己，“我真系差啲以为你想追我呀，哈哈，我系唔会接受你㗎！”谁不知Kenny竟然完全不记得这件事，激到Fiona大叫：“得一次咋㖞！同你食饭！”这对老朋友的互动绝对是笑料百出。

除此之外，虽然Kenny早前曾经拒绝让自荐做嘉宾的阿Sa上台，不过演唱会上Kenny坦言：“我嘅演唱会，冇佢三个上嚟，都真系讲唔通啦，系咪呀。”有“龙虎豹”之称的祖儿、阿Sa及阿娇随即升上舞台，四人合唱《死性不改》，唱到尾声时祖儿更揽住Kenny喊到收唔到声：“我好戥你开心呀！”

唱完歌之后，三女露出本性，开始对Kenny上下其手，又摸pat pat又摸胸，仲大嗌“好弹手”！阿Sa更理直气壮地说：“头先我哋喺后台研究咗好耐，听讲你收埋𠮶啲嘢，我哋就系谂住嚟揾吓。”Kenny虽然不断反抗，表示：“件衫唔系咁设计㗎，stylist会嬲。”但三女异口同声话：“唔会㗎，你靓仔做乜都得㗎！”最后Kenny唯有就范，直接将西装褛脱下一半，引得三人疯狂大叫。

整个演唱会于一片欢笑及感动之中进入尾声，虽然唱完《死性不改》，但阿Sa意犹未尽，正当Kenny准备送三人落台时，祖儿突然问：“就咁走得㗎啦？”阿Sa即接话：“哎呀！我想同你唱之后𠮶只歌呀。”Kenny即说：“咁今晚最后一首歌你哋陪埋我㗎啦喺度。”阿Sa开心到又叫又跳：“好呀！好嘢！好开心呀！”祖儿即“食住上”跟阿Sa说：“哎呀！关智斌好话得事呀！”阿娇仲加多句：“好man呀。”搞到全场大笑！最后合唱埋《眼红馆》才肯散场。