“热气球阿妈”Botan解画亲揭内幕　澄清无走数：争你一定畀你

“热气球阿妈”菠丹（Botan）因“热气球事件”受访片而爆红，成名之后因多方网民爆料涉“playgroup走数”，“借钱唔还”等事而深陷公关灾难。日前（26/9）菠丹终于“出来面对”，在铺天盖地的负面新闻后，她接受“会八十”的特备访问，名为《被讨论的勇气》，实则是一场公关危机的“终极对决”。在近一小时访问中，她对零食生意“拖粮”及最爆炸性的“Playgroup退钱”争议，逐一回答反击。

菠丹直言与Pancy陈佩思合伙开零食店，但生意不济：“你要知道零食呢样嘢，可能系$10，可能得一两蚊赚，我哋𠮶阵时讲紧最低纪录，系$109蚊一日，𠮶一日得几蚊鸡赚，计埋灯油火蜡，杂费一个月可能系两万几。当其时间舖喺琼华中心顶楼，人流好少好少。大家都心知肚明，𠮶阵时系穷到点呢？埋完货出去，应该系有个现金再去订货，我哋系冇钱到去一个地步，要行去隔篱街，要去零食店买10包8包桃哈多摆喺舖头。”

谈到拖粮一事，她续说：“当其时，除咗零食店之外，仲有个partner做保险，开咗一间Marketing公司，开始嘅时候生意都OK，收支平衡有少少利润，叫做有钱赚。后尾有一次我哋接到一单job返嚟，𠮶单job系一个朋友，佢接受咗爸爸一间玩具公司。佢就想整一个IP，见人哋印一只公仔系产品。我第一时间就谂起Josephine，我觉得佢系一个好好嘅设计师。”

她表示，计划分为三部分，第一部分画公仔时已结了上期费用：“上期已经俾咗钱，我唔记得咗，中间仲有啲零散嘅数系点样要入畀佢。到尾数嘅时候，phrase 2我哋要收钱，但系突然之间我哋呢个project系终止咗，但系phrase 1我已经请咗一班人返嚟搞呢个project，但系你知，phrase 2终止咗，佢亦都冇再入钱畀我哋。”

她解释，变相要在公司中拿钱出粮给员工，直到要取钱时，才发现另一个partner行为：“前前后后攞走晒公司嘅现金，加埋佢之前借我嘅钱，total 58万。你见到我同Josephine嘅对话里面，我话我开紧会，其实我系好想去跑新客返嚟，我就有钱去找到Josephine条数。无奈地我去追数或者倾新客都好，都唔成功，当其时对我嚟讲系一个几大嘅打击。”她又表示，当时是公司与Josephine签约，又向Josephine道歉，坦言自己在此事上处理不当：“我要向Josephine道歉，呢件事系我处理得唔好。”

主持人阿Bu追问，为什么当时转电话？她解释是“人衰行路打倒褪”：“唔系转电话，而系唔见咗个电话，唔知俾人偷咗定跌咗，喺𠮶度冇理由买返张机票，喺香港就补领张卡。喺𠮶个咁差嘅moment，我净系想快啲令自己有返信心，有返希望。”

阿Bu也强调，合作伙伴“攞走晒公司嘅现金”是“穿柜桶底”的商业罪案行为，为什么又没有报警？菠丹回应：“冇谂过做呢件事，喺我心目中佢系因为佢财政出现咗问题，而佢需要攞𠮶笔钱，佢唔想破产。我当其时冇谂过要报警或者乜嘢，呢个系事实。”

被问到经常改名一事，她回应：“到今时今日，我都系用紧Dreamy呢个名。由2015年到而家，我又冇改过电话号码，其实所有人都揾到我。点解叫菠丹，其实我讲过，系日文名。当其时有只公仔IP叫菠丹，所以我喺个page入面叫菠丹。”主持人阿Bu问：“所以呢个case去到最简单就系，你冇争人钱。”菠丹回答：“冇呀。可能我playgroup入面有冇人未退钱呢，我就唔敢讲，因为佢哋要揾我先知。我好肯定财务啲嘢我冇记录喺手，所以我成日喺网上面咁讲，如果有人未退款请与我联络。我亦都有晒纪录，揾我嘅人我即刻退。”

影片最后，她总结说：“其实Pancy，我可以斩钉截铁咁同你讲一句，我好清晰话畀你听，我冇攞过舖头一毫子，我亦都冇呃过你任何嘢，但系有一样嘢我做得好差嘅，我承认我系错嘅，就系当其时我走之前冇话畀你知，但系当其时几个月我同你都冇乜点返过公司，呢个系我嘅疏忽，我要同你讲声对唔住。另外Josephine𠮶度，我都好想同你处理𠮶个尾数，另外我都揾到当年partner，佢愿意承担返所有嘅钱，全部会退返畀你，佢愿意承担责任。”

最后的最后，她又指自己绝对愿意承担责任：“如果佢哋有乜嘢系觉得我做得唔好，我要去补偿畀你哋又好，负责又好，你直接DM我，其实我真系，我系一个绝对愿意承担一切责任嘅人，可能我后生嘅时候有做得唔好嘅地方，年少无知，乜都好，总之今时今日嘅菠丹可以答你一句，只要你嚟揾我，系合情合理有证据，我真系争你乜嘢，我一定畀你。”