海儿今日（29/9）现身香港东九文化中心，出席有份参演原创粤语音乐剧《一束光——高锟的记忆》记者会。海儿接受《香港01》访问时表示：“今次喺呢套音乐剧入面，我系演周国丰嘅太太，有佢傍住我，加上每句台词都帮我执到正一正，我觉得好荣幸。”

对于有传炎明熹过档英皇，海儿笑言：“其实都系𠮶几间公司，相信好多都传过晒。（期待炎明熹加入？）我就觉得一间公司有唔同类型嘅音乐人才，都系一件非常好嘅事。（曾比特传加入英皇？）我觉得唔同嘅人才加入系一件好事，可以同唔同类型嘅音乐人学习。”

问到会否担心公司歌手越多，资源分配上会被减少？海儿笑言：“咁我又唔知㖞，我女高音好似无人喺𠮶块饼度㖞，不过我又唔觉得有啲咁嘅事啰，因为每人都有起有落嘛，冇话分几多几少。”