歌手叶巧琳早前在IG上载多张父女黑白合照悼念爸爸。叶巧琳写道：“多谢大家嘅关心，爸这一生都是付出，87年来从来都是为了家人。心真的很痛，但他终于远离痛苦，完成一个旅途。爸，想念你！爱你，always！之后再打波ok？#我的心应该不能够再受打击了 #要不然”。

叶巧琳今日（29/9）现身香港东九文化中心出席有份参演原创粤语音乐剧《一束光——高锟的记忆》记者会。叶巧琳接受《香港01》访问时一度哽咽表示：“其实心情仍未平伏，因为都系刚刚发生嘅事，同埋呢两年我系经历咗太多嘢，相信佢会睇到我嘅演出。”

叶巧琳否认因父亲病重，而突然选择结婚：“系因为屋企人都年纪大，我都想有个交代，希望可以话到俾佢哋听，我有人照顾我，叫佢哋放心，咁所以我哋结婚系几年前嘅事，只系今年先同大家公布我结咗婚。”

被问到有否梦见过爸爸？叶巧琳表示：“其实系有，系喺丧礼前一晚，我系梦见到佢，系一个好温暖嘅环境嚟，变咗𠮶日出殡个心情都好平静少少。（有冇讲啲乜？）我唔系太记得𠮶啲说话，总之我就有同佢讲我会好好咁照顾屋企人，亦都会活得快乐。”