曾扬言希望2025年推出的所有单曲，也出自个人创作的洪嘉豪，近日推出第三首包办曲词，并由Larry Wong编曲及监制的新歌《下世爱你》。歌曲以战争背景下的爱情为主题，从宏观视角描绘爱情的深沉与坚韧。洪嘉豪分享：“《下世爱妳》呢首歌系今年第三只派台歌，可能（派台）时间有少少迟，因为始终今年都好想坚持系做一只自己创作嘅碟啦，包括作曲作词，咁所以呢只歌都系我嘅作曲作词嘅作品啦，同埋都数数手指，真系计2020年嘅《穷小子》之后，其实就冇再出过比较大路啲、独唱嘅ballad情歌，中间都会有𠮶啲其他歌可能《活人标靶》𠮶啲，但系𠮶啲就唔系太（类似）我以前《穷小子》𠮶种“洪嘉豪type”嘅情歌，即系会比较易认啲， 咁所以都想趁呢个机会系呢一只碟里面会有一只自己嘅‘K歌’啦。”

他续说：“其实今次系想讲‘今世’同埋‘下一世’，首歌就系想讲，今世喺一个战地里面，我地好努力咁样求生，但系最后不幸对方唔能够幸存，但系我承诺对方，我下一世一定都会揾到你，之后我都会做返今世嘅嘢！

问到MV最难忘的场景，Kaho发挥一贯搞笑风格说：“MV最难忘的场景其实真系𠮶场喊嘅戏啦，女主角同我都需要有一个力量去喊，而女主角今次我地揾咗一位演艺学院业毕业嘅演员，当然对佢嚟讲，（喊戏嘅）难度当然会冇我喊咁高啦，咁所以佢做先啦！哈哈！咁原来佢做都唔容易！大家最后都用咗好多时间亦都试咗好多方法，导演同我同埋佢都互相沟通，尽量希望做到𠮶个力量出嚟，最后我哋觉得都几震撼架！喺现场睇住佢（女主角）嘅演绎！咁至于我呢？咁我就……拍咗1-2个Take尝试（喊戏）之后，导演就话不如我哋用眼药水啦咁，咁我系同意嘅！哈哈！但点知当个眼药水一滴落我只眼之后，我嘅情绪就黎啦！导演即刻嗌action，我就喊咗出嚟，不过好遗憾我嘅眼泪同埋眼药水混为一体，可能观众只会睇到系眼药水，但系其实里面到底有冇眼泪呢？大家听完我呢番说话应该都自有答案啦唔该哂！！哈哈！！”

2025年年中嘉豪曾表示希望下年年头能推出个人EP，问到EP制作进度，他亦透露进度良好，有机会可以提前推出！他说:“都可以透露少少嘅，咁就积极筹备紧呢个嘅2025年里面应该希望可以出到一只EP啦，我觉得呢一只碟由今年《闪光》、《亲爱的》跟住《下世爱你》，再加埋之后嘅作品，其实系讲紧一啲我一直都摆喺心底里好想讲嘅题材但系又唔想讲出嚟，想用音乐表达，咁亦都因为做到呢一个project之后先真真正正去认清，其实‘音乐’对洪嘉豪嚟讲就系一个将一啲唔想讲嘅说话或者唔系咁容易打出嚟、讲出嚟嘅东西就可以写落只歌度去表达，你可以暗语或者可以暗示或者可以用其他方法去讲，我觉得呢个系一个好有趣嘅地方，依家都仲做紧歌，赶紧啲尾，咁但系So far自己都好喜欢，好满意，希望到时只碟推出咗之后大家都会喜欢啦！”