现年45岁出身富裕的“8亿大马拿督千金”庄思敏（前名庄锶敏）近年在社交网常常分享饮饮食食片段。日前她忽然公布喜讯，指在《第五届泰国泰阳国际电影节》中勇夺国际华语电影奖“最佳女配角”，并指是2024年奖项。

庄思敏昨日（4日）在社交网兴奋表示当日因开工无法亲身到场攞奖，待一年后奖项到手才宣布喜讯，她说：“其实呢个奖系2024年颁咗畀我，但颁奖典礼当日我系开紧工，所以冇办法飞到曼谷领奖，呢个奖交托咗畀我嘅朋友，但佢一直开工冇办法送番个奖畀我，过咗一年，我个制片朋友终于有时间将呢个奖交到我手上，我依家先公布嘅原因系个奖一日未到手，我觉得好唔真实。”

庄思敏感谢这位制片朋友，因对方将她演出的作品剪辑成片段报名参加该电影节，她说：“好开心我被同认同攞到呢个奖，我有问我制片朋友剪辑咗咩片段，佢话佢好钟意我喺《PG恋爱指引》入面啤酒妹角色，同埋《小姐诱心》入面饰演经理人，佢放咗好多呢两套电影嘅片段，所以要多谢叶念琛导演，因为呢两套戏都系佢嘅作品，我嘅朋友亦都帮我剪辑咗一啲电视剧片段，包括《溏心风暴》同《幕后玩家》。”