【叶蒨文/曾展望/女神配对计划】《女神配对计划》“最衬CP”叶蒨文（Sophie）和曾展望GM今日（05/10）情侣档合作主持TVB电竞节目。他们坦言，就算不是工作时间也会见面，而且相当频密。叶蒨文：“真系见得好多，日对夜对咁济。”更表示因节目而接触更多游戏。

她续说：“成日约出嚟打，所以见面多咗。”曾展望说：“有机会就约，可能夜晚各自喺屋企倾住电话打机。如果唔系见面，都一定系倾住电话打机。”中秋佳节，大家都会团圆食饭，但他们就表示时间上不合，所以未有机会“见家长”食饭。

虽则如此，但叶蒨文就表示妈妈对于曾展望的印象十分好，她说：“佢哋去咗中山游玩。其实我妈咪留意佢（曾展望）啲嘢多过我！好似啲网民咁，追我哋呢对CP。佢连GM以前中学弹结他，跳舞啲片都煲晒。”此时曾展望插话：“真系有睇？”叶蒨文回答：“真系有！其实有啲片系佢send畀我，笑死我。”她续说：“佢觉得GM系一个风趣幽默，喺佢身边都会几开心嘅男仔。佢成日都问我哋，私下相处有咩甜蜜嘢。讲俾妈咪知啦，好似真系追CP咁。”叶蒨文表示，继父的反应较平淡，给予很大自由。

叶蒨文更大爆，妈妈有问他们互相的暱称。曾展望回答：“（电话簿）唔系set我做曾展望。”叶蒨文：“系‘罐罐供应商’，因为佢成日都觉得我好似猫，咁我就觉得佢好似‘罐罐供应商’。”曾展望有点害羞，也回答，爱暱称叶蒨文做猫：“佢系加菲猫嘅朋友，苏菲猫。（单字叫猫？）两只字，猫咪。”叶蒨文：“佢成日帮我改花名㗎。”曾展望：“可能一三五同二四六都唔同。（唔同人？）都系呢个人，唔同名啫。”叶蒨文：“讲住一个先，我怕丑。”曾展望又补充：“讲多个啰，小猫咪。”