【曾展望GM/女神配对计划】曾展望（GM）于2018年入行加入TVB节目《#后生仔倾吓偈》，多年来事业浮浮沉沉，直至参加《女神配对计划》，与叶蒨文配对成功，因而走红受观众认识。曾展望日前（05/10）出席电竞节目时接受《香港01》访问，他谦虚的说，不认为自己走红，只是因为节目《女神》而被观众认识。

“（多咗人认识）当然系开心，收获咗大家咁多支持。网上面咁多fans，除咗赞我都会有好多有建设性建议畀我，从观众角度话俾我听，点样会好睇啲，我自己都会好用心咁去睇，睇吓点样去改进。”

会有网民说，他因为叶蒨文而被人所认识。他亦坦言：“我唔会介意，因为呢个都系事实。我的确系参加咗，先有机会多啲人认识我。我反而会聚焦系开心位，透过呢个节目多咗人了解我个人系点，开始对我有兴趣。”

他透露，自己个性喜欢“氹人开心”，所以入行也算是适得其所。“有机会氹大家开心，我都开心。”约6年前透过《#后生仔倾吓偈》而入行，他直言当时并没有思考太多，只是本着一个读书以外兼职的心态，后来才将做幕前成为职业。

全职做艺人，几乎每位都曾经历过辛酸。他分享说：“我相信唔系得我一个，有好多人都要喺呢一行磨练好耐，尤其系而家经济大环境都唔系几好，我都系其中之一个啫。我唔敢话自己好辛苦，我都系属于比较幸运嘅一群。我已经好感恩。”

谈到辛酸史，他表示曾经有好几年时间，因为收入不足而需要外出打工去支持自己做幕前。“去到真系唔够洗嘅时候，就要做兼职。（做咩兼职？）呢个就唔方便透露，兼职啦，收入都比较唔稳定，咁我就揾方法令自己可以继续追梦。时间比较flexible，可以自己挑选时间。”

有没有曾被批评“不如转行，唔好做幕前啦”？他回答：“又真系冇人话我唔适合，反而有一段时间，我觉得自己唔适合。有一段时间，我自己怀疑自己。我觉得自己怀疑自己，比人哋怀疑自己更难处理。度过呢段时间，都落咗几多苦功。我听过自己怀疑自己，喺呢个娱乐圈好多人都系必经阶段。（怀疑啲乜，怀才不遇？）可能有阵时系紧张，紧张就影响咗发挥，自己就Focus喺结果上面，而唔系点解自己做得唔好，但系静心落嚟，其实做得唔好系因为紧张，咪处理自己紧张问题，下次就睇吓有冇第二个发挥。”