《声秀》昨（5日）晚一集抢焦位落在谭耀文组的“靓声王”布子殷（布子）身上，上轮布子以《神爱世人》以5:0 击败冼奕瑜，今集布子更全新金发形象登场，更联同“妙音龙子”冼靖峰Archie合唱R&B情歌《时候不早》；排练期间，谭哥亲自指导布子如何展现flirty一面，更传授“欲拒还迎”招数，正式表演时，布子与Archie不单歌声合拍，动作设计亦由Archie一手包办，从追求、摸头、拖手到最后头贴头，甜到漏！。布子事后大方分享染金发心情：“个日劲兴奋，哗，我终于变咗个人，（Archie）有眼光。”功臣Archie透露答应谭哥邀请时自信满满：“放心交畀我，等我可以由头改造佢！”“Daddy”谭哥亦搞笑认证女婿：“放心将我个女交畀你啦！”

陈奂仁笑言：我建议你拜佢（Archie）为师兄

二人甜蜜演绎大受评审好评，最终获得85分好成绩，布子获评审舒文大赞：“我觉得你今次揾咗𠮶新嘅唱腔，有型啲、冷啲嘅方法去唱呢只R&B。”陈奂仁（Hanjin）：“恭喜哂布子，你今次喺技术上，完整度最高嘅一个演出。”Hanjin更笑言：“我建议你拜佢（Archie）为师兄，你唔好放过佢啦。”雷有辉（Patrick Lui）：“Archie做得好好。”

今集另一抢焦位落在泳儿组的“高分王”柯雨霏Ophelia联乘《声梦传奇2》导师林奕匡Phil携手演绎情歌《别为我好》，更特意升Key突显Ophelia高音实力，Ophelia靓高音配以Phil充满感染力的声音，二人完美配合，最终获得82分，获评审们一致高度评价。《别为我好》一曲监制Eric Kwok：“今次系入咗只歌多咗啲。”Patrick Lui：“其实你应该对自己多啲信心，你个样又靓，把声又好听，但你好似冇乜信心，成日要问住Vincy个样得唔得。”

对此，Ophelia坦言压力大兼有容貌焦虑，泳儿闻言即感性分享，指Ophelia曾经是“肥妹仔”，直到来到《声秀》才首次听到赞赏的声音：“直到喺《声秀》舞台先有人话佢靓”，之后向著Ophelia说：“千祈唔好畀对自己外貌嘅唔自信影响你唱歌嘅发辉，你要Focus唔系你个样、而系你嘅唱歌。”全场闻言即齐齐为Ophelia打气兼大叫：“你好靓！”令Ophelia感动落泪。