张家辉和胡杏儿今日（10/10）现身九龙湾出席ViuTV剧集《绝命法官》记者会。对于被谢天华在台上大爆阴毒，指他开工“万岁”得少，似有不满，张家辉接受《香港01》访问时笑言：“其实我成日都有万岁，只系同谢天华撞唔啱，我成头系万达院线咁样啦。（佢话开工都冇食过你嘅嘢，佢嬲你！）唔系啩，佢系坏蛋嚟。”

提到好姊妹胡定欣于2025年10月6日无预警宣布结婚喜讯，正式下嫁外科医生男友陈健华（Akin），于10月3日在纽西兰南岛的皇后镇举行了一场低调而浪漫的户外婚礼，并在Instagram上公布多张唯美婚纱照，展示幸福瞬间。

胡杏儿表示：“其实真系好开心嘅一件事嚟，不过佢真系好秘密，我哋班姊妹真系唔知，反而系俾你哋早少少先知，佢系收得好埋，我都好明白佢咁紧张，因为有好多嘢都要处理。其实我都有同佢讲，我哋都想睇你，点解你咁秘密？（有冇基于咩原因咁秘密？）其实都唔使问，我哋都明白大家都系艺人，大家都知道佢点解会有咁嘅选择，但最紧要佢哋开心。”