向华强和爱妻陈岚（向太）今日（10/10）就欠债百亿传闻特别召开记者会澄清事件。记者会上向华强直斥一名YouTuber生安白造，又指谣言十分恐怖，幸好公司股价未有受到影响，而向太陈岚更一度激动拍台指对方有意造谣生事。

谈到香港电影市道差，被问到是否因创作空间受到限制时，作为影坛大亨的向华强倒抽一口凉气：“创作空间唔知，同埋啲手续都好麻烦，坦白讲当年我拍电影，因为翻版猖獗，我嬲起上嚟就唔拍。到后尾翻版绝迹，之后就网上睇。而家就盛行睇短剧，变咗俾啲短剧打垮咗。变咗而家啲人习惯咗攞起手机就睇短剧，变咗每个时代有唔同嘅嘢。（几耐冇入去戏院睇戏？）几个月，之前睇《哪吒2》。”

而向太就表示：“始终梦想就归梦想，理想就理想。事实我哋系生意人，你唔可能投资去帮人，帮我哋梗系想帮，但唔知道点去帮，你要使几多钱去帮呢？可能使好多钱最后都帮唔到。因为市场太细，都冇办法。佢系咁钟意电影，你话佢唔想帮咩。其实唔只香港差，大陆都差，大陆都执咗好多戏院，但我谂一万部，都有一两部赚钱嘅。”