关淑怡（Shirley）上周在家中突然量倒，紧急送往医院深切治疗部（ICU）治疗，有传她已接受大手术，获医护团队全力施救，手术后Shirley需要全身插喉留在ICU接受观察。其儿子及父亲连日来在医院探望。

曾经与Shirley有过一段情的周文健今日（11/10）现身邮轮码头出席活动，就事件接受《香港01》访问时表示：“其实自从我哋分开咗之后，我同佢冇联络40年，系最近朋友发新闻俾我睇，我先知佢出咗事。（睇到新闻有啲咩感受？）都会好奇，同埋会担心，任何人任何朋友都识得嘅，病咗出咗事，都会好奇担心，亦都希望唔好系大件事。”

被问到是否知悉对方有一名儿子？周文健表示：“本身我一直都唔知佢有个仔，当到我睇返佢相关嘅新闻先知有个咁大嘅仔。因为平时好少睇新闻，变咗咁次佢出咗事之后，我就有留意佢咁多年来关于佢嘅报道。”

提到睇到Shirley过往所经历的人生会否有很大的感受？周文健慨叹说：“觉得好似过山车咁，上上落落，咁唔系讲刺激，系几得人惊𠮶啲。但佢咁坚强嘅性格，佢系得嘅，当呢啲食菜。所以我从来都唔担心佢。”

问到Shirley是一位有才华的歌手，就因过往的经历影响星途感可惜？周文健表示：“佢系一个好有天份有才华嘅歌手，究竟你嘅地位去到边度，红唔红，可以红几耐，应该唔系你自己话，呢个系天时地理人和嘅事嚟，冇得可惜。我觉得任何一个表演者歌星，只要你钟意啫歌就得，喺边度唱都得。唔一定要做天后天王，唔需要咁多人去欣赏。”