李龙基与未婚妻王青霞的恋情一直备受关注。王青霞因虚假陈述及使用虚假文书被判监25个月，于2025年7月7日刑满出狱，当日李龙基手捧60枝玫瑰花在深圳湾口岸迎接，情深意切，感动不少粉丝。出狱后，王青霞随即被遣返内地，二人计划在珠海开始新生活，李龙基更多次承诺待未婚妻出狱即结婚，展现坚定爱意。

不过，近来有YouTuber及网络传言质疑李龙基与未婚妻的关系，称二人情海翻波，甚至指未婚妻王青霞搭上澳门赌业富二代，更清楚列出李龙基手揸多个物业身家超过40亿，又指李龙基“寻妻”失联，言之凿凿，惹起网上热话。

李龙基今日（11日）现身邮轮码头出席剪彩仪式，就事件接受《香港01》访问时，笑言自己身家原来直逼李家诚，令他啼笑皆非。他无奈地说：“我明白有啲YouTuber系靠点击揾钱生活，系做到语不惊人誓不休，同埋佢哋好醒，唔用真人系用AI，呢啲内容就离晒大谱，仲话我有46亿，仲同我分析，香港有几多舖位，新加坡有几多物业，睇落得啖笑。”

对于未婚妻王青霞被YouTuber人身攻击，李龙基大感气愤：“成日话我老婆识咗第二个，又话同边一个赌业富二代去澳门，喺赌场又揽又锡，讲真唔好讲呢啲嘢啦，冇良心揾返嚟啲钱，真系永不久享。同埋佢讲话我老婆搭上个富二代系4月几嘅事，而我老婆7月几先出嚟，你话佢哋可以作到咁样，我劝佢哋不义之财就唔好揾啦，靠中伤人哋而去揾钱咁样唔系几好。”

被问到何时与未婚妻王青霞结婚，李龙基表示：“其实我同佢已经有咗协调，讲咗以后都唔会讲佢啲嘢。就算我唔讲嘢都好，一张相有四个人，佢哋可以无限放大，变咗我讲一句嘢，就会好多文章出咗嚟，因为佢唔想我讲，所以多谢大家关心。”