《CHILL GENKI》音乐祭将于11月1日喺西九文化竹翠公园举行，今日周国贤、冯允谦（Jay Fung）以及MIRROR妹猪组Anson Lo卢瀚霆、Edan吕爵安、Jeremy李骏杰同姜涛一同出席记招，届时周国贤将会同日本殿堂级高音和小野正利合唱、冯允谦则与日本人气女神adieu合唱。

活动上，周国贤即场唱了几句《圣闘士星矢》的《ペガサス幻想 》、而冯允谦则笑言记日文歌词好差，不过因为自己是藤井风Fans，所以都哼了一段《Overflowing》。二人接受访问时，周国贤坦言很想跟另一组嘉宾歌手PUFFY合作：“PUFFY我真系细细个就听，日日都听，真系有啲迷恋嘅𠮶种阶段，我怀疑见到佢会面红。”他暂时未跟小野正利夹过歌单，但都有少少怯：“佢系殿堂级，唱classical底到重金属撕裂式咁唱都得，仲要四个Octave（八度）……我谂我会俾佢气场震慑到！”而对于要跟adieu合唱，冯允谦觉得两人声线应该几夹：“我觉得我哋声线都几match，因为佢声音比较Soft，好warm，我觉得自己声音都有呢啲quality。”

周国贤虽然曾在日本留学，但竟说自己日文已退步，识唱唔识讲，因为当地年轻人语言常常都在转，不过他都即场讲了句日文，笑言：“应该呃到少少香港人？”冯允谦听完即给予情绪价值：“好犀利，完全唔知你讲咩，但系个语气好劲！”被问届时会否以Cosplay动漫人物造型亮相，周国贤自爆小时候喜欢《我爱小忌廉》，之后他又讲到《怪物小王子》、《鬼太郎》、《圣闘士星矢》，但身旁的冯允谦却一套都唔识，周国贤再问：“有冇听过《黄金入球》啊？”冯允谦笑言：“我听过《叮当》啰，《多啦A梦》。”周国贤只好无奈表示：“咁我哋扮多啦A梦啦，我扮大雄。”

早前林欣彤（Mag）突然开直播，片中他向观众求救，指片中的男子想杀死自己，冯允谦被问可知对方情况，他直言有睇过该片段，但没有发讯息给对方：“我觉得应该畀啲空间佢，可能佢需要空间，屋企人朋友都需要俾佢多啲空间，我自己暂时就冇Reach out，但系我记得上一次见佢其实都系好几年前，一班friend食饭，𠮶时都系倾音乐，都好开心，之前我知有啲报道话佢可能有情绪病或者唔开心，我又唔系好清楚，所以又唔想讲太多，但系我希望佢可以多啲休息，快啲回复返或者出返嚟唱歌，好多人都期待佢声音！”身为情绪病过来人的周国贤直言跟Mag已有约十年无见过面，但印象中对方唱歌很好听，又有个性：“我真系好想佢快啲康复，返返嚟做多啲好歌畀我哋听。 ”

近日麦浚龙（Juno）自编自导自演的《风林火山》成为全城热话，身边好友的周国贤透露已“二刷”：“我自己有剪开片，我好钟意好暗嘅tune色方法，有向佢取经，加上坂本龙一真系我偶像！”他透露自己会一睇再睇，因为觉得有很多条故事线，一次是无法看完：“同埋因为我自己有少少导演嘅谂法，如果我系导演，我会开三集或者开多几集，我哋都好期待睇加长版！佢同我讲过本身佢自己心目中有个版本系几挑战时间，睇大家耐性，我好期待𠮶个版本，希望有一日睇到。”他说自己未敢催Juno出加长版，因为知道对方正创作其他项目。