圈中“金童玉女”，音乐才子徐浩（Terry）和靓女歌手曾乐彤今日（10月12日）于尖沙咀5星级酒店大搞婚宴。婚宴实在是星光熠熠，有蔡卓妍帮手搞party外，还有伴娘戴祖仪、柯驿谊（盘菜莹子）、关智斌﹑陈柏宇、吴千语、Gin Lee、MIRROR 9子和花姐、张继聪和谢安琪、周柏豪、沈震轩和女友陈欣妍、关心妍和老公、泳儿、陈蕾﹑卫诗雅和老公等。

卫诗雅和老公Kenley接受访问，Kenley坦言曾乐彤和徐浩一对平时已十分甜蜜。谈起《破·地狱》有机会角逐奥斯卡一事，卫诗雅说：“好开心，因为呢套电影确实好能够代表香港非物质文化遗产，因为我哋成日去唔同嘅地方，原来好多人唔知咩系破地狱，所以好希望藉住呢套电影，宣扬一下香港呢个地方。”

张继聪和谢安琪接受访问，谢安琪坦言未与徐浩合作过，又笑言：“佢一定系贵啦，问都唔敢问。”谈到传授夫妻相处之道，张继聪也表示每对夫妻都不同：“要靠自己摸索。尤其是观察一啲，成日俾老婆闹嘅，咁你朋友做乜嘢，你就唔好做啦，自己醒目啲啰。（睇嚟你好有经验？）冇冇冇，我就系睇到身边嘅朋友，我呢啲一睇就知系醒目仔啦。我一睇Terry就有天份，所以一啲都唔担心。”有记者问谢安琪：“佢有咩值得Terry学习？”谢安琪回答：“值得Terry学习，咁讲好骄傲，系咪呀？冇㗎，位位太太都唔同，所以我对佢好有信心。佢喺我心目中都系好仔一名，祝福佢！”

阿Sa（蔡卓妍）和吴千语接受访问，阿Sa：“见证住佢好多唔同嘅经历，而家有咁重要嘅事件，确实系感动，头先都有啲眼湿湿。”她又大赞曾乐彤对恋爱十分清醒：“曾乐彤系我识嘅朋友里面，好清醒，佢唔系恋爱脑。佢成日都冚醒我，系大巴大巴咁冚醒我。”吴千语：“佢系一个恋爱专家，青出于蓝。”问到“抢花球”，阿Sa说：“我都冇出去抢！梗系啦，留返啲机会畀其他人。（点解？）我见到有更加多需要嘅朋友，我都试过啦。俾啲未体验过嘅人。”

周柏豪和陈柏宇接受访问，问到传授夫妻相处之道，周柏豪回答：“每个屋企都有唔同规则。”会传授“造人”秘笈？周柏豪回答：“其实上网有得search嘅，唔使我哋教。（当年都系search？）系呀。（keywords系乜？）keywords系⋯⋯畀啲力。”陈柏宇也回答：“我试过失败几年㖞，我觉得唯一系早早哋试啦，冇right timing呢样嘢。”