TVB（无线）剧集《巨塔之后》热播当中，这套由钟澍佳抢任总监制，再加上宣萱、陈展鹏、陈炜、刘佩玥领衔，蒋家旻、陈桢怡、黄庭锋等人的阵容，实在值得一看。在多位演员之中，出现一位新面孔，饰演“刘佩玥继女”王海淳的乐珈嘉，份外亮眼。

乐珈嘉系边个？

日前记者会，乐珈嘉接受《香港01》访问。原来她已入行有一段时间，于2023年第32期无线电视艺员训练班毕业。今年22岁的她入行短短一年就成功上位，曾于《反黑英雄》中饰演邓智坚女儿张小丽。不过，要数真正入行的时候，其实要追溯到她13岁那一年。“入行嘅原因系因为我入过童星中心，cast中电影，发现自己真系好钟意演戏，觉得呢一世就只系想做演员！”

呢一世就只系想做演员！

当时，因为年纪尚小，就去了纽西兰升中学，回港后本打算继续升读大学，但经朋友怂恿之下，就去了考艺员训练班。“我心谂，𠮶边畀晒offer，因为都系喺加拿大读戏。我觉得唔紧要啦，试一试，因为唔试唔知咩事。cast咗几round就话要签。签长约嘅时候就有啲保留，因为唔知自己有冇机会。”

签长约即是多久？一般来说都是8年起跳到15年都有。乐珈嘉入读2023年第32期无线电视艺员训练班时，才只得20岁，即将人生最青春灿烂的时光放在了TVB之中。她说：“仲要屋企人本身唔支持我。”

读艺训班先斩后奏

她续说：“中学时期都系读电影，所以大学好自然都系读电影。𠮶阵时好辛苦，因为佢唔支持我。我考完艺训班，签𠮶一刻先话佢知，跟住就返三份part-time，因为冇车钱。佢唔出畀我，我都好难维持生活。后尾好多谢佳导（钟澍佳），因为佢畀咗个机会我喺《反黑英雄》入面做一个角色。妈咪睇咗我啲戏，跟住佢就开始支持我。好多年之后，突然之间出咗个作品，佢就知我唔系玩玩吓，佢先支持。𠮶一刻其实都几感动。由我13岁到而家。”

做谭仔姐姐：𠮶阵时会自己匿埋喊

乐珈嘉表示，虽然妈妈允许她修读电影，但起初并不支持她做幕前。兼职三份工作，她自言不觉得辛苦，认为是为演出幕前的经验。“我试过做谭仔姐姐啰。（使唔使讲谭仔话？）咁又唔使，听唔明，哈哈，沟通唔到，但系都几辛苦，因为要做得快，又要攞好多热嘢食，好多客又好恶，𠮶阵时会自己匿埋喊，呢一份系最辛苦，但系我又觉得系一个好好嘅体验。因为做演员就系要见多啲嘢。其他两份都系餐厅，仲有做wedding嘅助手，有时候仲会接freelance model。”

做三份兼职赚钱搭车

虽说兼职三份工作，但实际收入亦仅能支持基本乘车花费，甚至不足应付饮食开支。“（啱啱够）呢一个月嘅车费。你畀你补更，但唔会畀晒啲更你补，所以要返好多份。（食饭呢？）我系喺𠮶边食佢嘅啲嘢，好彩返咁多份，啲同事都好好。我会匿埋，佢哋会问食唔食嘢？跟住畀嘢食我食。”

有作品出炉　终获家人肯定

她表示，那时候读艺训班时，算是最难挨的时候，但现在已不需要再兼职了。“𠮶时朝九晚五又要返训练班，仲要返将军澳。我上年比较辛苦，因系系零薪，一蚊都冇，下年可能都系一蚊都冇，因为要还骚，所以⋯⋯我都唔知点㗎。比起返part-time，我会想知，挨完呢一下将来会点，会唔会好少少咁样。（屋企人支持）佢哋而家好好啦，唔会话我追梦。咁我已经觉得好好。我好感恩，由我13岁到而家，咁长嘅一段旅程，佢哋终于开电视去睇一睇我演出。”